كتلهه متغيره شعجب ماكو ابتسامة شفه
واسلوبج وياي اختلف وسوالفج مو ترفه
ومو.مثل الاول جاي احس ملكاج مابي لهفه..؟؟
كلتلي صح تغيرت .. والسبب انت اتأخرت
خطبوني ناس او ..وافقت
وبعيني صارت رجفه
وهزيت راسي ودنكت ودموعي طلعن زفه ورديت كل خطوه بكتر ما كمت اوجد دربي
حضرلي روحك ياجفن
من اليوم راح ابدي الحزن
ويا كلبي اريدنك تون وي دكتك ياكلبي
وياعيني حضريلج دمع بي خير كون وصبي
ع الواعدتني وماوفت وبروحي خلت صوره
ع العود مجبوره ومشت وانه ادري مامجبوره !!!
راحت لأن ماعندي شي والحاله مو حالتهه وقسمتهه شالتهه من ادي لبن الترف ودتهه
عوووود امها جبرتهه وبجت.؟
وضغطت عليهه او وافقت .؟؟
لا امها كلش ماحجت مقتنعه بي شافتهه
جا هيه لمن هلهلت شافت سعادة بتهه
..
يابتهه .. يابتهه
يابتهه فضلتي الترف هنياله مو هنيالج
صح هوه لايكلج لجن والله انه جنت احلالج
شيليني والله يوفقج ما اريد اضل ابالج
بس غيري عطرج لو طلع وياج خاف اشتمج
وياخذني جدمي اعله العطر والكاني واكف يمج....
وانه البعدني اخضر جرح واللجمه توجعني هواي
صعبه من اشوف الجان امس بحضاني مايمشي وياي .!!
يالرحتي يم الماعرف يقره الحمد من خطبوج
ويالبعتي عشره بجم فلس ياوسفه بيهن غروج
روحي وعساج ابلا حلم بيه ويردج تبجين
وروحي وعساج ابلا دمع لو شفتي لبنادم طين
وروحي وعساج ابلاندم وتفكرين ترجعين
وخليني بلكي انسى المضى ولو ماكدرت اتناسه
بس هوه ليفارك ولف
يصعدله شيب من الزلف
والليش .. تمشي ويا عزف
حد ماتشيب راسه
