اقدملكم كلمات الاغنية الوطنية
.. امانة الوطن ..
للفنان .. نصرت البدر..
والفنان .. سيف عامر ..
والالقاء .. ضياء الميالي ..
كلمات .. ضياء الميالي ..
الحان .. نصرت البدر ..
.. القاء الشعر ..
نتنومس عالمنايه شلون نوماس
عراقيين احنه وللشرف ساس
الغيره مو بضاعه وتنشره بفلوس
اصلية تجي ومدكوكه بالراس
جفوف ثنين طاحن وانطفت عين
وما طاح العلم من ايد عباس
بيريتك وصيه شيله اختك
امانه هالوطن صار بركبتك
مخلوقه الشوارب حتى غيره تشيل
مو ننطي الظهر للي علينا يعيل
ناس معلكه ذمه بركبتك
تذبهه شلون مو عيب على بختك
لان عالغيره من اول ربينه
يوجعنه العراق شلون بينه
نشيل العلم لو تنكص ادينه
وما نرضه يكولون انسبينه
امانه هالوطن صار بركبتك
بيريتك وصيه شيله اختك
انسبينه شلون ما تقبلهه ذمتك
انت ابن العراق الغيره شايلتك
كلوب الناس منقوشه بركبتك
تذبهه شلون مو عيب على بختك
بيريتك وصيه شيله اختك
امانه هالوطن صار بركبتك
على احوال العراق عيون شمات
هو بعينهم مثل السهم فات
لجل عين العراق نروح فدوات
وابد هيهات من الذله هيهات
امانه هالوطن صار بركبتك
بيريتك وصيه شيله اختك
بوجه الريح لو تحميهه كصتك
انت ابن العراق الغيره شايلتك
امانه الموصل تضل بركبتك
انت ابن العراق الغيره شايلتك
بيريتك وصيه شيله اختك
امانه هالوطن صار بركبتك
.. ملاحظة ..
اللي باللون الاسود هو ضياء الميالي
واللي بالأخضر الداكن هو الكورال
واللي باللون البنفسجي سيف عامر
واللي باللون الأزرق نصرت البدر
اللي باللون الاسود هو ضياء الميالي
واللي بالأخضر الداكن هو الكورال
واللي باللون البنفسجي سيف عامر
واللي باللون الأزرق نصرت البدر
