كلهن طايحات وعاذرك تالي
اتمد چفك وترسه وتفرغ سلالي
وامدلك چفي مثل الطالب الغلطان
ويرد محومر وخالي
ولك گبل حالك مثل حالي
وگبل من انتلاگه الشمس بينه تحير
ما تعرف خيالك عكسته اخيالي
وصواني مترسه يصيحني ما اندار
اعشگت صينية الحب فارغه شمالي
شجاك شغيرك تالي
وجنه اطراف مغناطيس محد بينه ليعارض
انه ادنه الك وانته تدنالي
شجاك شغيرك تالي
ولك طيبين كلش انه وامثالي
ولك بعراسنه وعيونة تلالي
امنيتي اعرف افترت بيه حوبتمن
انا ما فار واحد غير محچالي
وگلت ياهو ليمدلك جفه من اطيح
گتلك ما احتاج لوحدي احلالي
اگومن گومت النافورة وكت الغيض
محد مدلي جفة وگام تجالي
ولك لا تعبت زندك ولا غافي على شمالك
عصفور بوكت نومي رگبتي تميل لشمالي
انا لما عنده اهل بالدفنه يتكفلون
اسير ولو متت يدفني كتالي
بعد لا تحسب الزلة
عليمن تحسب الزلة
واذا سألوك لتگلهم زلف حملة
حملي يميل بس يرجع غلگ دلة
انطيتك كل غطاي وكل حطب بالگاع
واحنه ايام ع الچلة
واذا سألوك وين القبل دليهم
صدك مالك عرف بالله
بس ذابحني ع القبله
المهم طاحلك ومعذور بالتالي
تسلم ما تسلم ما يضل بالي
انه المتهم لبغرفة التمييز
من تعبر وما تعرفني هنيالي
واذا تزعل وما ودوا على مراضاك
هنانة تقيس نفسك غالي مو غالي
سعد شميل
اتمد چفك وترسه وتفرغ سلالي
وامدلك چفي مثل الطالب الغلطان
ويرد محومر وخالي
ولك گبل حالك مثل حالي
وگبل من انتلاگه الشمس بينه تحير
ما تعرف خيالك عكسته اخيالي
وصواني مترسه يصيحني ما اندار
اعشگت صينية الحب فارغه شمالي
شجاك شغيرك تالي
وجنه اطراف مغناطيس محد بينه ليعارض
انه ادنه الك وانته تدنالي
شجاك شغيرك تالي
ولك طيبين كلش انه وامثالي
ولك بعراسنه وعيونة تلالي
امنيتي اعرف افترت بيه حوبتمن
انا ما فار واحد غير محچالي
وگلت ياهو ليمدلك جفه من اطيح
گتلك ما احتاج لوحدي احلالي
اگومن گومت النافورة وكت الغيض
محد مدلي جفة وگام تجالي
ولك لا تعبت زندك ولا غافي على شمالك
عصفور بوكت نومي رگبتي تميل لشمالي
انا لما عنده اهل بالدفنه يتكفلون
اسير ولو متت يدفني كتالي
بعد لا تحسب الزلة
عليمن تحسب الزلة
واذا سألوك لتگلهم زلف حملة
حملي يميل بس يرجع غلگ دلة
انطيتك كل غطاي وكل حطب بالگاع
واحنه ايام ع الچلة
واذا سألوك وين القبل دليهم
صدك مالك عرف بالله
بس ذابحني ع القبله
المهم طاحلك ومعذور بالتالي
تسلم ما تسلم ما يضل بالي
انه المتهم لبغرفة التمييز
من تعبر وما تعرفني هنيالي
واذا تزعل وما ودوا على مراضاك
هنانة تقيس نفسك غالي مو غالي
سعد شميل
