كل شي بالحياه يتقبل التغيير
حتى احساس كلبك ممكن تغيره
ممكن ظحكتك تتغير بدمعات
ممكن فرحتك تتبدل بحسره
ممكن كلب حبك فجأة ينساك
وحير انته بقضيتك لمن تفسره
لا تبحث اسباب الهجر ماكو اسباب
حتى الهجر ما يعرف سبب هجره
اقفل باب كلبك واكسر المفتاح
وخليلك درع خاف احد يكسره
اليكلك احبك فتشه كلش زين
بس يدخل الكلبك صدك يفجره
واحجيلك نصيحة كَلب حب وذاب
سرك لا تكشفه وبالك تنشره
لان كل البشر قاصات بالاسرار
لو تبقى عمر ما تفتح الشفره
لكن ما اعمم كل وكت موجود
انواع البشر مخلوقه بالقدره
تصادف ذهب صافي ويصدف المغشوش
بقيت عينك دليلك هيه التقدره
واذا صافي لكيت باي ثمن اشريه
لان كلش ثمين وبالك تخسره
