كون رمضان الدهر..

[العـ عقيل ـراقي]

كون رمضان الدهر..

جاء رمضان وجاءت معه تلك الذكريات
من مدن البصرة ( الجمهورية الاوالى)
كانت هذه الصورة
ارجو قبولها
وكل عام وانتم بخير



لعبنه ابابكم بيت ابيتات
ونامت امي على صوت الجاي
وتلملنه بسوالف عمر نحجيها
الله يعمرنه النكضة وما دريناها
زعلت ام احمد علينه
وراحت امي تراضيها
وخذت وياها
نسوان المحلة
وصاحت بينه
بطلوا سوالفكم زعلت ام احمد
ظلينه نخاف انمر عله بابهم
أخاف احمد يعاركنه
واحنه ازغار
نلعب بيت ابيتات

واجتنه ساعة الغروب
وصاح الوذان الله اكبر
وفضى شارعنه من الحبايب
وصارت الوحشة تتختل بين البيوت
وشوية وتوزعت المواعين
من جار لجار
حلاوة لوشعثت تمر خستاوي
لو حفنة اللكيمات
واشم عطر الجفافي والورود
وردينه على بابكم نلعب
بيت ابيتات
وجن امي لمت حبايبه والجيران
وظلت تسولف وبديها الفناجين
وام احمد ردت وبديها ظبة ابخور
والمسج والعنبر ظم روحه بعبايته
وتلكتها النسوان
وعينهم علينه
خافو منه على البنات
واحنه ازغار
مانعرف بس لعبة بيت ابيتات
وبنيه اسمها (....... ) ماتلعب اويانه
بس تمر من يمي يرتجف كلبي
واصيح ابصوت ما ينسمع
لعبي ويانه مثل البنات
تكعد ويه النسوان وعيني عليها
ومابطلت بس اعاين بلجن تحن
وتلعب اويانه
ازغير انه واحب عشك البنات
ومرمرني هواها
وكلت كون رمضان الدهر يبقه
وتظل لمت النسوان
وماتموت لعبتنه
وظليت بس وي روحي احجي
وفززني صوت امي
يمه اكعد بسك حلم
وبسك تسولف بالبنات

عقيل العراقي
من كتاباتي القديمة..
​

 

[ملآئكية]

رد: كون رمضان الدهر..

رمضان كريم ومبارك على الجميع
ان شاء الله وكل سنه وكل عام والجميع بالف خير
...
كلمات تتألّق بوهج المشآأعر، وروعة اللّغة
جميل ورائع مآأإ قرأت هنآإ
لاحرمنآإ انسكآإب القآإدم...’ ​

 

[hana ak]

رد: كون رمضان الدهر..

كلمات جميله اخي الكريم

اللهم بلغنا رمضان

تحياتي لك

 

[العـ عقيل ـراقي]

رد: كون رمضان الدهر..

لكم عبق الشهر ببركاته
ورضى الرحمن
كل عام وانتم بالف خير
عقيل العراقي​

 

[العـ عقيل ـراقي]

رد: كون رمضان الدهر..

رمضان كريم ومبارك على الجميع
ان شاء الله وكل سنه وكل عام والجميع بالف خير
...
كلمات تتألّق بوهج المشآأعر، وروعة اللّغة
جميل ورائع مآأإ قرأت هنآإ
لاحرمنآإ انسكآإب القآإدم...’ ​

شكرا لك ..
راقني حضورك
امنياتي
عقيل

 

[عمر]

رد: كون رمضان الدهر..

روعه يعطيك العافيه شكرااا الك

 

[العـ عقيل ـراقي]

رد: كون رمضان الدهر..

ربي يعافيك
شكرا للحضور

 

[المشتاق]

رد: كون رمضان الدهر..

أخي المبدع والشآعر الكبير
عقيل العرآقــــــــــــــــــــي
مآآآآآآآآآآآآآفر بلإ جوآز

سلمت يدآك لهذه اللوحة الرآئعة
والقلآدة الجميلة
ذآت الإطآر السآحر
{{ كون رمضآن الدهر }}
آآنه إصغير وأحب عشگ البنآت
وأحب جدآيلهن وهنـــه صغيرآت
وأحب إذا أفترن وآآنـه إبوسطهم
أبآوع إشآفي حُمروخدود ورديآت

دآم لنا فيض العطآء
وللمزيد مِن الإبدآع والفن
تحيآتي
مع بآقة ورد
​

 

[قيصر الحب]

رد: كون رمضان الدهر..

كل الشكر والامتنان على روعهـ بوحـكـ
..
وروعهـ مانــثرت .. وجماليهـ طرحكـ

 

[العـ عقيل ـراقي]

رد: كون رمضان الدهر..

شكرا لكم احبتي
نورتوا صفحتي
اضفيتم كل الطيب
فيها
شكرا لكم
كل الاماني
عقيل العراقي