حزن كَلبي ...
مثل دم المشاجر ، حار .
حزن ،
والموج الآسود شيّب الكَذله ،
الكَذل معبار .
راح آغرك مثل طيف بجفن خايف .
على كيفك يحزني آويا الصبر ، ..
تدري الصبر بحّار .
ونا من غير صبري من يعدّيني ؟
أنا من غير صبري من يدلّيني ؟
كَلبي آزغيْر ، عش آزغيْر .
جنح من الصفير بطير .
اديّه كَصار ،...
وآفتر بجرف محار .
دايخ والحلم خرزة بجرف محار .
كَبل ما أندفن طيف بجفن خايف ،
كَصدت لمرقد يكَولون بيْه شاره ،
كَلت يمكن أجد مفتاح للأسرار .
كَلت يمكن يكَلّي الخرزه وين تصير ،
لكَيت الحضرة كوم حجار ،
ولكَيت بجانب الحضره أثر خنزير ...
وصوت بلا ضمير يكَول ،
الكَبب عورات فوك الكَاع ،
رحت بين الحجر أبحث عن المفتاح .
كَال الحجر : بس ، آرتاح .
عرفت السالفه وراح الخدر مني ،
وعرفت السالفة ...
وحطيت كَلبي بشفة المحّار ،
دست بجدامي عالبسمار .
جرحت آيدي الكَصيره بحجر ...
حتى آعرف خجل دمي ،
حتى آعتاد عالدم اليضوي الغار ،
ويدلّيني بزوايا الغار ،
لأن حسيت ...
بس دم الجرح مفتاح للأسرار .
_القصاب
مثل دم المشاجر ، حار .
حزن ،
والموج الآسود شيّب الكَذله ،
الكَذل معبار .
راح آغرك مثل طيف بجفن خايف .
على كيفك يحزني آويا الصبر ، ..
تدري الصبر بحّار .
ونا من غير صبري من يعدّيني ؟
أنا من غير صبري من يدلّيني ؟
كَلبي آزغيْر ، عش آزغيْر .
جنح من الصفير بطير .
اديّه كَصار ،...
وآفتر بجرف محار .
دايخ والحلم خرزة بجرف محار .
كَبل ما أندفن طيف بجفن خايف ،
كَصدت لمرقد يكَولون بيْه شاره ،
كَلت يمكن أجد مفتاح للأسرار .
كَلت يمكن يكَلّي الخرزه وين تصير ،
لكَيت الحضرة كوم حجار ،
ولكَيت بجانب الحضره أثر خنزير ...
وصوت بلا ضمير يكَول ،
الكَبب عورات فوك الكَاع ،
رحت بين الحجر أبحث عن المفتاح .
كَال الحجر : بس ، آرتاح .
عرفت السالفه وراح الخدر مني ،
وعرفت السالفة ...
وحطيت كَلبي بشفة المحّار ،
دست بجدامي عالبسمار .
جرحت آيدي الكَصيره بحجر ...
حتى آعرف خجل دمي ،
حتى آعتاد عالدم اليضوي الغار ،
ويدلّيني بزوايا الغار ،
لأن حسيت ...
بس دم الجرح مفتاح للأسرار .
_القصاب
