لتغير احساسك عود تتبدل

[فقار الكرخي]

اذا چفك اسير وتالي وكته انحل
درس خلها الأثار وبيها تتأمل
مو يم السلال اتگاطفلها احجار
وعلى عنگود غيرك تبقى تتمرجل
ولتصفگ اچفوفك عل بطر خسران
ترى صفگة حسافه اطير من يرحل
وحگك انته انته اشما تكرهك ناس
لتغير احساسك عود تتبدل
عاگول ورد وگطع عليهن ماي
شوف الترك طبعه اشلون من يذبل
وخذهن نوبه ردهن للحديقه وشوف
شوف الناس بيمن تبقى تتغزل
حايط ما يضمك لو وطن عاداك
لو مفتاح جنه اتفتحه ما يقبل
ولو حبك وطن كل الابواب اتطيح
يقبل بيك وانته ابچفك المعول
.
.
حسن الخفاجي

 

[رقوش♥️]

ذووق دووم عزيزي

 

[Ali84]

عاشت ايدك مبدع دومك

 

[فقار الكرخي]

نورتو الكون وحق هذا الله

 

[قيصر الحب]

بدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي