لا تنشدني عله امس
شايل بروحي جرح
طشيت إعيوني عله الدرب
هلبت يشوفنه بالچذب
إصريخ والدوام مشلوشة حزن
وبين جثثهم أتعثر وأرد
هلبت ترد أعيوني
جايبه منه صور..
لا يا وطن فز مرة
ولم شمابيك من جثث
وصيرلها گبر
بلايه إگبور طشرتهم نار
ماتعرف رضيع
من الي كلها الدمع
دزيته يدورلنه خبز
وفوگ النار مفورة الهم
ذره
تاليها لا رد ولا جاب الخبز
وخطف لوني صوت الزلم
گالو كلمن ضايعلها ولد
تكتب أسمه واضح
حته نزخرفه عله الگبر
وين ألگاگ ويا كومة
نار چاويتك
إموذر وذر
ساعد الله إلي يلم
شتفرزن وكلهم أحباب
الله ..
(اخلع نعليك)
أنته فوگ المجرة تمشي
شفنه اطيور بيضة لله اطير
وشفنه بيبان الجنه
انفتحت
كلها تريد اترد
اعراگ جنتها
لا تنشدني عله امس
شايل بروحي جرح..
ليس قصيدة
بل هي حرقة قلب
خرجت دون وعي..
12/05/2016
عقيل العراقي
