- إنضم
- 5 أغسطس 2019
- المشاركات
- 94,884
- مستوى التفاعل
- 12,910
- النقاط
- 187
- الاوسمة
- 1
للحار ابد ميلوك ثوب السكته
وياك ماترهم الكلشي بوكته
من جنت ماي ارسومك بعيني تبات
عباس وجهك عالكمر راسمته
يم كل نهر جنت اكتب اسمك والجود
يركض يشبكك هيج انه معلمته
عباس يابيرغ ندى بوجه الكاع
عطشانه مامعقوله عايفها اخته
يكلولي شتكليله ويكلج صار
كتلهم الدلال يفهم دكته
من كثر ما شفاف اذا تعاين بي
تشوف زينب نايمه بعاطفته
عباس رد يروحلك فدوه الماي
هو انته ياهو وحتى ماعاذرته
لمن تغمض يمي ارجف عباس
شتظن اضلن عدله اذا تموت انته
لوما اخوي وهل الحليب الوياك
جا كلت عباس اني المخلفته
الكنطره شكد حبته ويرفض جان
وبالمشرعه شلون اقتنع ماخذته
اجروف النهر فصلهن احبال اخيام
ورد يضحك وكامت تسولف كصته
حلقة الطف ضحكت كمر فاصلها
الغيمه خيمه البت علي فاصلها
تدرون زينب جم نهر فاصلها
بكد الطحين الجف علي موزعته
جرح العطش عباس اي رافلها
وبيرغ صرت فوك الخييم رافلها
مو مشرعه لا جتفت. رافلها
وكتلها هذا الغاثج سامعته
طب والعساكر مبتسم جابلها
ومثل الغنم ع المشرعه جابلها
بس علكمي لا دجله هم جابلها
وخلا يصيح انعال زينب بسته
بضهر ابوي الكافل وما ينته
واحد واشوفك بالحرب ماينته
عباس ارجع ياعطش ماي انته
بعيونك اتبلل يجنك كوثر
علي ياسين اللامي
وياك ماترهم الكلشي بوكته
من جنت ماي ارسومك بعيني تبات
عباس وجهك عالكمر راسمته
يم كل نهر جنت اكتب اسمك والجود
يركض يشبكك هيج انه معلمته
عباس يابيرغ ندى بوجه الكاع
عطشانه مامعقوله عايفها اخته
يكلولي شتكليله ويكلج صار
كتلهم الدلال يفهم دكته
من كثر ما شفاف اذا تعاين بي
تشوف زينب نايمه بعاطفته
عباس رد يروحلك فدوه الماي
هو انته ياهو وحتى ماعاذرته
لمن تغمض يمي ارجف عباس
شتظن اضلن عدله اذا تموت انته
لوما اخوي وهل الحليب الوياك
جا كلت عباس اني المخلفته
الكنطره شكد حبته ويرفض جان
وبالمشرعه شلون اقتنع ماخذته
اجروف النهر فصلهن احبال اخيام
ورد يضحك وكامت تسولف كصته
حلقة الطف ضحكت كمر فاصلها
الغيمه خيمه البت علي فاصلها
تدرون زينب جم نهر فاصلها
بكد الطحين الجف علي موزعته
جرح العطش عباس اي رافلها
وبيرغ صرت فوك الخييم رافلها
مو مشرعه لا جتفت. رافلها
وكتلها هذا الغاثج سامعته
طب والعساكر مبتسم جابلها
ومثل الغنم ع المشرعه جابلها
بس علكمي لا دجله هم جابلها
وخلا يصيح انعال زينب بسته
بضهر ابوي الكافل وما ينته
واحد واشوفك بالحرب ماينته
عباس ارجع ياعطش ماي انته
بعيونك اتبلل يجنك كوثر
علي ياسين اللامي
