طشينه الدفو للجيران ،
جكليت من شبابيج غرفتنه
وجان الليل متراهم عله نبضات الگلب
وذيچ لمتنه
وكتبناهن بوسه بأثر بوسه
والتكمكش جان لعبتنه
لملم الليل نجماته وتلفلف
يريد من الدفو لچعتنه
ومصافن گضاها الگمر
أظنه مشتاگ حضناتنه
گدرت چفي بنهدها
لگيته مفرفح عله عضتنه
هد نفسه كلش بشفافي
وتمنه ما تخلص ليلتنه
شهل الدلاعة والمكامز
والخصر فارش
أشليله يدور وين گمرتنه
مراصص مراصص ،
دفو ونعس تالي الليل
واحنه الشوك ماردنه
لا ليلة مثل ليلتنه
ولا عشك يوصل كلش فرحنه
نلز صدر بصدر
والخدر يبدي من اول سطر
من تسولف شفايفنه
يدريني أنسه الرجلين
وأدريبه يريد أكثر
بس تبقه الشهگة
تطربنه..
16/11/2015
العــ عقيل ــراقي

