السلام عليكم
أحبتي
يسعدني أن اقدم لكم قصيدتي المتواضعة
مع
اليوتيوب
أتمنى أن تروق لكم..
https://www.youtube.com/watch?v=oVX9ApXBybo&feature
مااريدك بعد ولاريد حبي إوياك
اريد انساه قهرك وانسى احزاني
خلصت العمر أغفرلك الزلات
واعديها واكَول.. المهم يهواني
تعال وشوف جرحك شنهو بالروح
نزف دم الكَلب وانكطع شرياني
بعت كُلشي بحياتي واشتريتك بيه
وعفت لجلك هلي ومسكني واوطاني
وظنيتك وطن بأحضانه أرتاح
واشوفنك حلم وأحلى المعاني
لكن للأسف ضيعت كُلشي اوياك
أحلامي الجبيره وفرحة أزماني
ما اريدك بعد لو صرت شمس الكون
ولا اريده هواك الضيع الواني
مستغرب لحالي شلون حبيت
وبهاي السهوله افتحت بيباني
ولك انا الفارس المالحظة ذليت
وعض صبعه ندم كُلمن تحداني
لاويت المنايا وفزت عالموت
وغلفته بنعش واكتبت عنواني
ما أعرف خداع ولا حجي الوجهين
واظل غامض على الما فهم ميزاني
واكف للعدا سهم بوسط بلعوم
وبيبان التواضع فقط لاخواني
لو مره صديقي طلب هالروح
اهديها واَكولن سند تلكَاني
سيفي ماشهرته بوجه مسكين
وعلى خشم الخسيس اتركت نيشاني
معرفت الخيانه حتى للمو زين
وبوجه بوجه احجيله هذا آني
ومتهمني العدا لو جانت الآف
طبع حسين بيه وهذا ايماني
المبادئ والقيم تتعنى الها الناس
وآنا تاج القيم هو التعناني
من ولدتني امي ومارضيت أكَماط
كاره للقيود وكلشي صبياني
وارفضت الحليب وذلة المحتاج
ابن ديوان طبعي وصنع رباني
واشربته فقط من صار بالفنجان
وبطعم الكرامة انترس فنجاني
حيرت الزمان بصغري واحتار
ونادتني الرجولة تبقى عنواني
ربيت بنص مضيف ودلة وديوان
اهواها المجالس.. وهي تهواني
شجاني تورطت وكل عقلي حبيت
وظنيت العشكَـ للأبد وجداني
شفت كُل الكرامة ضاعت اوياه
وبكل العجائب منها راواني
لكَيتك ياعشكـَ كل طعم مابيك
لعب اصغار انته وامسح ارداني
احلامي القديمة تبخرت بالريح
وبنار الخيانه احتركَـ صيواني
ما اقصد تخون وتمشي ويه الغير
حشا ومحشوم منها لو كَلت آني
بس تبقى الخيانه عندي انواع
مو شرط الخيانه وي شخص ثاني
اسرار العشكَـ وشصار وشماصار
لو مره انحجت..كَول العشكَـ فاني
ما اريده الحبيب الخان الاسرار
ولا اريد المحبة الهدمت أركاني
ياعيني العشكَـ وردة وتريد الماي
وحبك للأسف بالعطش جازاني
جنت بستان أخضر واحتضنتك بيه
وانته بكل ألم دمرت بستاني
وسفة عالكَلب الاختارك بيوم
وجنت عنده الملاك الما الك ثاني
ارجوك ابتعد ومودع ومحروس
ماننفع بعد والأحسن انساني
......
بقلم
مُخلد الشِمَري
.
.
أحبتي
يسعدني أن اقدم لكم قصيدتي المتواضعة
مع
اليوتيوب
أتمنى أن تروق لكم..
https://www.youtube.com/watch?v=oVX9ApXBybo&feature
مااريدك بعد ولاريد حبي إوياك
اريد انساه قهرك وانسى احزاني
خلصت العمر أغفرلك الزلات
واعديها واكَول.. المهم يهواني
تعال وشوف جرحك شنهو بالروح
نزف دم الكَلب وانكطع شرياني
بعت كُلشي بحياتي واشتريتك بيه
وعفت لجلك هلي ومسكني واوطاني
وظنيتك وطن بأحضانه أرتاح
واشوفنك حلم وأحلى المعاني
لكن للأسف ضيعت كُلشي اوياك
أحلامي الجبيره وفرحة أزماني
ما اريدك بعد لو صرت شمس الكون
ولا اريده هواك الضيع الواني
مستغرب لحالي شلون حبيت
وبهاي السهوله افتحت بيباني
ولك انا الفارس المالحظة ذليت
وعض صبعه ندم كُلمن تحداني
لاويت المنايا وفزت عالموت
وغلفته بنعش واكتبت عنواني
ما أعرف خداع ولا حجي الوجهين
واظل غامض على الما فهم ميزاني
واكف للعدا سهم بوسط بلعوم
وبيبان التواضع فقط لاخواني
لو مره صديقي طلب هالروح
اهديها واَكولن سند تلكَاني
سيفي ماشهرته بوجه مسكين
وعلى خشم الخسيس اتركت نيشاني
معرفت الخيانه حتى للمو زين
وبوجه بوجه احجيله هذا آني
ومتهمني العدا لو جانت الآف
طبع حسين بيه وهذا ايماني
المبادئ والقيم تتعنى الها الناس
وآنا تاج القيم هو التعناني
من ولدتني امي ومارضيت أكَماط
كاره للقيود وكلشي صبياني
وارفضت الحليب وذلة المحتاج
ابن ديوان طبعي وصنع رباني
واشربته فقط من صار بالفنجان
وبطعم الكرامة انترس فنجاني
حيرت الزمان بصغري واحتار
ونادتني الرجولة تبقى عنواني
ربيت بنص مضيف ودلة وديوان
اهواها المجالس.. وهي تهواني
شجاني تورطت وكل عقلي حبيت
وظنيت العشكَـ للأبد وجداني
شفت كُل الكرامة ضاعت اوياه
وبكل العجائب منها راواني
لكَيتك ياعشكـَ كل طعم مابيك
لعب اصغار انته وامسح ارداني
احلامي القديمة تبخرت بالريح
وبنار الخيانه احتركَـ صيواني
ما اقصد تخون وتمشي ويه الغير
حشا ومحشوم منها لو كَلت آني
بس تبقى الخيانه عندي انواع
مو شرط الخيانه وي شخص ثاني
اسرار العشكَـ وشصار وشماصار
لو مره انحجت..كَول العشكَـ فاني
ما اريده الحبيب الخان الاسرار
ولا اريد المحبة الهدمت أركاني
ياعيني العشكَـ وردة وتريد الماي
وحبك للأسف بالعطش جازاني
جنت بستان أخضر واحتضنتك بيه
وانته بكل ألم دمرت بستاني
وسفة عالكَلب الاختارك بيوم
وجنت عنده الملاك الما الك ثاني
ارجوك ابتعد ومودع ومحروس
ماننفع بعد والأحسن انساني
......
بقلم
مُخلد الشِمَري
.
.
