ماتسوه ومعزتك نفتح جروح
طعنه ليـــــــــــل وثيابي أسترنهه
زفيتك بعــــــــين أم فـــــــــاكده وليد
معلكه أعيونهه بتـــــــابوت أبنهه
بوجنه مزنجره بكد ما وكع مـــــــاي
مالح فوكهه ومــــــــاحس جفنهه
درت وجهي الشجرتي بعين عصفور
وشـــوف أجفوف صياد أحركنهه
حركتي بروحتك حركه عصـــــــــافير
التشوف بعينهه أجنازه غــصنهه
شفه راعي ونتي وفركتك نـــــــــــاي
حطلك حــــيل وسمعني من أونهه
عــــــــــــــمر عشرتنه جثه بأيد دفان
صيت أعــــــــــــــــتاز وتوازه ودفنهه
وودعك جيت ليل وحــــــــال بت بيت
بلا ثوب وســــــــــكاره الرافكنهه
ولتكتلك شماته اجــــــــــروح بجروح
وعليهه مغامز اجروحي افضحنهه
باعو شوفتك بالبدله عــــــــــــــريس
سيوف وركضن اجروحي أشترنهه
