ماتعـرف تحـب حقـك تجـرب هـواي
مبيـن مـن مشيتـك بالعشـك خبـره,,,
بـرجلـك مـن رحـت تصنـع بديلـي تـريـد
تحـب تجمـع صـور ودون الذكـره,,,
جـم نظـره ع ظهـرك مـن رحـت خليـت
سـره وكفـن ونظـره ادفـع بنظـره,,,
يمـك عيـن طاحـت مـن نكثـت الثـوب
بكبـر غدرك كبـرها وغـدرك شكبـره,,,
الـبراسـك قـروا بيهـم اذب الصـوج
النـهر لوما الحفـر ماغيـر المجـره,,,
كلـت وجهـي الشمـس مادوريـت فياي
عـزة نفسـي تـرفض منـت الشجـره,,,
تـرس عينـي الـوفـه لغيـرك ولا صـديـت
خنتنـي بجسمك وما خنتك بنظـره,,,
ندمان بكثـر ماصحـت احبـك مـوت
صح وجهـك حلـو بس عشرتـك مـره,,,
يا فشلـت عيـونـي الشافتـك ويا
مثل اليـم اخـوتـه واحـد يسطـره,,,
اسمـك ثكل اخذه لخاطـر العباس
شكالـولك بلال واحمـل الصخـره,,,
ملـحت الوكت ماغزرت اليام
ولا وكفـت بعينـك خبـزتـي السمـره,,,
حلاة الغـزرت بالبلبل وماطـار
ماعاف القفـص جي كظتـه العشـره,,,
مانصحـك بعـد جـم دوب اعلـم بيـك
تـرست اذنك تـراجـي وما خـذت عبـره,,,
الشاعر سعـد الزبيـدي
