ماريد منك عشك

[أنين الروح]

ماريد منك عشك
يكفيك انته الـــبيك
بس تبقه غالي عـلي
وبروحي اضل شاريك
عنك اضل مبتعد وبراحتك خليك
لتشيل هم الجرح والجرح يمي يبات
اسهر واضل للصبح وبراسي الحسبات
مره اسأل اني الكمر
مره اسأل النجمات
صدكني وك فكرت .. والخاطرك قررت ..
عنك اضل مبتعد وبراحتك خليك

موجود لوحاولت .. تشيكيلي همك يوم
متعلم انه انضُلم .. مامرني ساعه النوم
بس انت اخضر غصن
متشيل كومه هموم
ذايب ترافه وحسن واطيب كلب عندك
ماريد اشوف الحزن قطرة ندى بخدك
سامح ذنوبي المضن وانه ادري مااسعدك
صدكني بس فكرت والخاطرك قررت
عنك اضل مبتعد

لوصدفه شفتك فتت ..راح اشتعل نيران
ولاتسأل اعله الوجه من السهر تعبان
ولتكلي جفك رجـــــــــــــــــــف
لاحضني بس بأمعان ..
كلشي بحياتي صعب حته انته صرت النوب
لتشيل هم الكلب .. كلبي بجرح مصــــــبوب
موبيدي لازم احب .. وانته شكثر محبوب
لكني من فكرت .. والخاطرك قررت
عنك اضل مبتعد
وبراحتك خليــــــك
ماريد منك عشك ..يكفيك انته البيك .

 

[المشتاق]

رد: ماريد منك عشك

أبنتي المبدعة أنين الروح

سلمت يدآكِ لهذه اللوحة الرآئعة
والقلآدة الجميلة
ذآت الإطآر السآحر
{{ ماريد منك عشگ }}
إختيآر موفق
دآم لنا فيض العطآء
وللمزيد مِن الإبدآع والفن
تحيآتي
مع بآقة ورد
​

 

[أنين الروح]

رد: ماريد منك عشك

بحجم السماء شكرا لك

مودتي

 

[رمااد اانسان]

رد : ماريد منك عشك

يسلمووووووووووووووو انين على الاختيار الاكثر من رائع
مودتي وتقديري

 

[♡{تہفہآحہةّ ☆بہغہدآديہةّ}♡]

رد: ماريد منك عشك

كلمات حلوووة عمري تسلمين

 

[الحلى مبتليني]

رد: ماريد منك عشك

تسلمون وايد يامبدعين
لاخلا منكم ولاعدم

 

[قيصر الحب]

رد: ماريد منك عشك

كالعادة ابداع رائع
وطرح يستحق المتابعة
شكراً لك
بانتظار الجديد القادم دمت بكل خير ​

 

[أنين الروح]

رد: ماريد منك عشك

شكرا للمرور احبتي

مودتي