ماعاش اليزعلك

[آهات حالمه]

ماعاش اليزعلك
بس للاطمانان كول وداعتك من عندي مازعلان

مامقصودة بس الغيرة متخليك

من ثوبك اغار شلون غير انسان

وهذاك الغلط لازم نفترك ونروح

عليمن خلق ربك نعمة النسيان

حجاية ليل جانت من كلتلك روح

دفركهن وشوف شيحجن القمصان
واجيلك واعتذر سامحني يالجتال
منا والحجيته اعتبره حجي لسان
وتعال احظني ارد اغض النظر عن الشيب
من يحجي الحظن خل يسكت البردان
وتعال احظني خل اقرالك شكاتب
عاتبني احبك لمن تعاتب
واجرحك حته اشوف شلون من تغتاض
خصوصا لمن حاجب يردم بحاجب
ومو شايب بعدني مبجي الحديثات
بس لخاطر فراگك صرت شايب
ومو كلشي صدك مرات اجامل بيه
شبه نكران ذات النفس عگبك جان
وتحفر ذكريات بخدي من تطيح
دمعتي ومن اكضها تكوم تنطي الوان
واطلع بالشوارع والدرب مسدود
ماخذ صورتك والمطر بيه يگود
غفيت على الرصيف وگلت بلكي يعود
وفزيت ولگيت بوجهي ماكو خدود
بروحي تلمست موجود؟ ماموجود؟
المهم موجود ما عايزني بس دفان
وراح اسأل هوى الله حبيبي ما جاسه
يا شباج اشوفه اذكر انفاسه
وگلب الحب هذاك الراسم احساسه
وافز واسمع حجي البيبان
شگد بطران
سهران على واحد عمره ماسهران
من غير شحجو وشگالو الجيران
ميهمني شحجو وشگالو الجيران
گول وداعتك من عندي ما زعلان
​

 

[جنون العاطفه]

رد: ماعاش اليزعلك

الله
روعاتج حبي ذوق جميل وراقي
لاعدمنا اطرواتك الرائعه العطره
جنائن وردي لروعة إنتقائك

 

[آهات حالمه]

رد: ماعاش اليزعلك

اسعدني وشرفي المرور العطر
تقديري

 

[الـ لُجين]

رد: ماعاش اليزعلك

مميزة احسنتي
تحياتي

 

[آهات حالمه]

رد: ماعاش اليزعلك

شكرا للمرور الجميل
تحيتي والتقدير

 

[رمااد اانسان]

رد: ماعاش اليزعلك

اختيار موفق يسلموووو
ارق تحية

 

[آهات حالمه]

رد: ماعاش اليزعلك

اسعدني وشرفي المرور العطر
تقديري