ماني بخير وجروحي جثيرات

[فقار الكرخي]

‌ معلومات شخصيه
السلام عليكم ....
و عليكم السلام.
شلونك .....؟
ماني بخير وجروحي جثيرات
خلص عمري بجي وجروح وونين
سمل ثوبي وكلاني العوز والله
والخبزه الكلتها جانت بدين
*
انت شسمك......
⁦اني اسمي مواطن عاش بس بلجوع
عمر سنتين عمره وحضر اوصيته
شلون اشري گبر وانه العشت ايجار
گبل ميموت گال وهاي جنسيته

وين اهلك.....
اهلي الماحسبت ابيتهم ارتاح
لان عدهم جروح تهدم الحيل
بحيث من البجي والجوع والله
ماعرفوا الضحكه من يجي الليل

شكد عمرك......
بكد خير العراق الشايل هموم
عمري وماعرفت شلون خلصته
صح هواي عنده وكلشي موجود
بس بدمعه صارت تنكتب قصته
*
شنو شغلك....؟
ادور رزقي وانشد وابحث ايام
ادور عليه واسال وين صاير
شح عني عجيبه اوين الاگيه
انه ابن العراق وهسه حاير

منين اصلك......؟
سني وشيعي كردي وصاءبي وياه
مسيحي انه افتخر ينشد نطاقي
اتحزم بربعي ولو طحت بلضيج
نصبح رايه وحده بجف عراقي
****
عندك كلمه اخير تكولها.......؟
اي عندي...
الشال اسم الوطن شالوه بلتابوت
انكتل ياحيف جيه نازل يجيب الحگ
وكع دمه اعله كاع الوطن والله
سگه وردات اهله والورد هل طگ
ونبع هذا الورد غيره ومحنه وطيب
ترف كلش لكيته وماقبل بلطگ







كاظم_صلاح_الخفاجي

 

[جنون العاطفه]

رد: ماني بخير وجروحي جثيرات

روووعه وووروعه
انتقاء راقي وجميل كولش
ودي وجنائن وردي

 

[قيصر الحب]

رد : ماني بخير وجروحي جثيرات

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[سعد العراقي راقي]

رد: ماني بخير وجروحي جثيرات

شكرا لجهودك
تحياتي لك

 

[mohammed.shams]

رد: ماني بخير وجروحي جثيرات

لجهودكم باقات من الشكر والتقدير على المواضيع الرائعه والجميلة