مايحتاج تشرح كلشي بيّن بيك

[מـلـ♥ـڪ ألـבـ♥ـب ألـמـ♥ـدريـدي]

مايحتاج تشرح كلشي بيّــــــــن بيك
مالايك عليك وياي دور الــــــــــــــخل

ياحفنة ضوه ..انطشت بجف اللــــــيل
اذارايد تسولف سولف اعله الــــــــظل


(خلك منجل )بجفك وانه اعــــرفك زين
تقنعني ...وتكلي وياك جاي اشــــــتل

حسب ضنك من اعطش راح اردن ليـك
ماتدري العطش بيه يقوه سم الصــــل

النخله الماتذب وافر ثمر عالــــــــــكاع
بعد لتظن رطبها اعله الكرب ينــــــــزل

واليقلد الشمع تقليده بيه اشـــــــكال
لازم من يقلد عالشمس يعـــــــــــدل

بظهري ادري حجيت بصوت مامسموع
لان تدري الحجايه البظهر تكـــــــــــتل

كتلك والسوالف جانت الــــــــهه عيون
اذايرتوي المنجل يعطش الســــــــنبل

كتلك والشمس جانـــــــت بلايه انكاب
خيل الشوك بالحب كل وكـــــت تصهل

لاتكسر غصن للعشـــــــــــك سويناه
موكتلك تعثرك شــــــــــــــهكة البلبل

كتلك عالفراش ايـــــــموت من يختاض
اذا شاف الحـــــــــــدايق بالورد تشعل

اشد جبـــــــت العمر بحبال ودنه الفات
وانته بكل بـــــــــرود اعصاب جاي اتفل

جنت (اسم الله) اصيحن كون ظلك مال
ويمك من طحت ترس اذني صوتك حل

هواي اهات بيه وانــــــــــته كلك صوج
واجروحي البــــروحي اعليك كلها اتدل

ماترهـــــــــــــــم علي من الالف للياء
خلــــــــــــــص دور الموادد بعد لتمثل

الحمام بصحن حبك شال بيده اسلاح
اشلون تريد منــــــــــك كلبي مايجفل



للأمــآآنـه :، منقـــوول

 

[رومانسي بس منسي]

رد: مايحتاج تشرح كلشي بيّن بيك

عاشت الايادي ورده

كلمات روعه

تحياتي لك

 

[وردة الصحراء]

رد: مايحتاج تشرح كلشي بيّن بيك

نقل رائع

شعر مميز

عاشت ايدك اخي

احسنت الانتقاء

 

[ღ اسيل الفلسطينية ღ]

رد: مايحتاج تشرح كلشي بيّن بيك

رآقيـــــــ أنـتِ بدُّررِ مـآ تنـتـقي ..
جمآلُ أهـآزيـجِ ترآتيـلِ إبـدآعُـكِ مُـمـيَّـزٌ بحق ..
يـتـرنـمُ على عروشِ التـألق دآئِـمـاً ..
لا عدمنآكِ في جديدٍ مُرتقـى ..
ولكِـ إمتنـآني الفـآئِق

 

[מـلـ♥ـڪ ألـבـ♥ـب ألـמـ♥ـدريـدي]

رد: مايحتاج تشرح كلشي بيّن بيك

ممتـن لتوآجدكم اعـزآئـي

أنرتو متصفحـي المتـوآضـع

تحيتـي لشخصكم ألكريـم

j-(​