ويـاهم مثل ما انا ظليـت
بدون ألوان وجهـي الخام بعـده
لهسة إمحسب بصدري الگصب بيت
وبلا بيبان گلبي يبات وحـده
انا بين هاي الناس مريت
مثل قارب ورق والموج ضده
المنطي عيوني يگلي شطيت
انا الماتركت الشوف وحده
انا حتى على اليشمتون حنيت
وأصبر الگاعدين بجرحي گعده
إذا ظلت علىٰ الشمات ياريت
لكـن لوعتـي من الآنا أوده
چم صاحب وكت طعناته فزيت
وقنعت بقصة الما چان قصده
علىٰ هواية عفو تبذير صديت
الهواية عليهم نظرة وحدة
اليشعلون يمي النار للزيت
وأخليهم لما يرحون أخمده
من اليمرن على أذني هواية عديت
واليخشـن الخواطر چنت أبُرده
علىٰ اليلاگيني منهم ما تعليت
أضم جناحي يم الريشه بعده ،!
العليهم من مشو بالماي غصيت
دعولـي بروحة الما بيها رده ،!
من الأسماء الچثيرة هواي چزيت
عليمن ينسگي المايسوىٰ احصده
أنا من الخاطر وية الناس وفيت
أبد ما دورتلي جتاف أصعده
خفت حتىٰ على اليگولون جَفيت
أغرگهم إذا ما خلي سَدة
مانادم على المنهم تبريت
ماهم بجرح مايسوىٰ شِدة
يكفيني عفيت وزين سويت
وشمرته ومستحي من الشط أجرده
ماحبيت بس بعدين مليت
ولا دنيت الأعرف راح أبعده
هذا انا إذا حبيت ... حبيت
عكس ذاك العمر حنيته مده
- الشاعر ايهاب المالكي
بدون ألوان وجهـي الخام بعـده
لهسة إمحسب بصدري الگصب بيت
وبلا بيبان گلبي يبات وحـده
انا بين هاي الناس مريت
مثل قارب ورق والموج ضده
المنطي عيوني يگلي شطيت
انا الماتركت الشوف وحده
انا حتى على اليشمتون حنيت
وأصبر الگاعدين بجرحي گعده
إذا ظلت علىٰ الشمات ياريت
لكـن لوعتـي من الآنا أوده
چم صاحب وكت طعناته فزيت
وقنعت بقصة الما چان قصده
علىٰ هواية عفو تبذير صديت
الهواية عليهم نظرة وحدة
اليشعلون يمي النار للزيت
وأخليهم لما يرحون أخمده
من اليمرن على أذني هواية عديت
واليخشـن الخواطر چنت أبُرده
علىٰ اليلاگيني منهم ما تعليت
أضم جناحي يم الريشه بعده ،!
العليهم من مشو بالماي غصيت
دعولـي بروحة الما بيها رده ،!
من الأسماء الچثيرة هواي چزيت
عليمن ينسگي المايسوىٰ احصده
أنا من الخاطر وية الناس وفيت
أبد ما دورتلي جتاف أصعده
خفت حتىٰ على اليگولون جَفيت
أغرگهم إذا ما خلي سَدة
مانادم على المنهم تبريت
ماهم بجرح مايسوىٰ شِدة
يكفيني عفيت وزين سويت
وشمرته ومستحي من الشط أجرده
ماحبيت بس بعدين مليت
ولا دنيت الأعرف راح أبعده
هذا انا إذا حبيت ... حبيت
عكس ذاك العمر حنيته مده
- الشاعر ايهاب المالكي
