مثل البير عشت وياك - اكرم التميمي

[Akram Al-Tameemi]

مثل البير عشت وياك

اشوف بعيني … واسكت

ارويلك عطش و اضم اسرار

وتجازيني بحجر تدفني … واسكت

وادورلك عذر …

واكول السبب مني مو منك

انا الحر …

شوازاني وصرت بير ..؟

يم ناس ما تهتم


انا الطير … الجنت فوك الغيم

يم الكاع ما انزل

حبيتك ، ورضيت وياك اعيش

بقفص و انذل

و كلت باجر يصير القفص بيت

وفوك الغيم نصعد ابد ما ننزل

اجى باجر وراح وراحت سنين

وانا وياك مخلصها ذل بذل​

 

[حياتي البصرة]

الله عليك ياورد
عاشت ايدك

 

[ناطق العبيدي]

كل الشكر والامتنان على روعه بوحـكـ ..
وروعه مانــثرت .. وجماليه طرحكـ ..
دائما متميز في الانتقاء