محادثه شعريه رائعه

[مفتاح القلب]

اكو فد شخص ينتظر بنية تروح تجيب مي من الجدول..يومية..وبهذا اليوم قرر يحاجيهة...وكال..






حني يبنت الناس مرة اعلة حالي***صدكيني آنة اهواج وانتي بخيالي

ردت عليه..وكالت..

لاحن ولا اهواك ماعرفك آنة***لاتحجي بعد وياي كافي ميانة

رجع المغرم وكال..

ما اكدر آنة انساج صرتي انتي روحي***وبلمسة ايدج هاي تذبل جروحي

جاوبتة البنية بهذا الرد..

امشي يخوية وروح والعن ابليسك***مو سلعة آنة وجاي ياخذني جيسك

جاوبهة المغرم..

مو سلعة انتي ادريج انتي حياتي***واتمنة يمج كون يحصل مماتي

كررت البنية كلمة خوية وجاوبت..

كافي يخوية وروح وابتعد عني***تلكة بنات هواي حتى احلة مني

كال المغرم..

من بين كل الناس كلبي يريدج***وسلمت هاي الروح ياحلوة بيدج

بدت تمل كلامة البنية وردت..

أيس يخوية وروح لاتاذي كلبك***ماريدك وماريد ياخذني حبك

رجع المغرم..وجاوب..

هيجي يبنت الناس صعبتي امري***دمرتي حلم الروح ضيعتي عمري

ضاجت البنية كلش وجاوبت بعصبية..

ماريدك وماريد كربك الية***آخر كلامي وياك حبتك حية!!!

رجع المغرم بعد الصدمة...وكال..

اقبل كلامج هاذ بس ما اعوفج***يومية اجيج هنا ويومية اشوفج...!!!!

رجع المغرم يمشي علة اعصابة





ورجع يتمنى قبولها........بس هالمرة منو بدا يحجي؟؟؟؟

هية بدت بالكلام...وكالت...!!!

ها خوية شو رديت شنهي القضية......مافاد حجيي وياك ذيج المسية

جاوبهة المغرم بلهفة...

رديت الج مشتاك صدكي يحلوة........عتني عليج الشوك مو بيدي كوة

طلعت البنية تحب الصراحة!!! وكالت...

سولفلي قصتك كول حلوة الصراحة.....انتفع بيهة هواي واشعر براحة

سولفلها المغرم بصراحة تامة وكال.....

حجيي الصريح وياج آنة هويتج........واليوم اجي خطاب واتعنة بيتج...

.....لانت شوية....وكالتلة كلمة...عيني!!!!

هلكد يعيني تفيض شوك ومحبة......طيب وعالاخلاق كلبك تربّة....

مغرمنا.......بدة ينتظر الرد الصريح....وكال...

ها يبعد هالروح ما جاوبيتي.......كافي شلاع كلوب كولي رضيتي...

جاوبت البنية...

والله رضيت اهواك اسرني حبك.......واتمنى اعيش وياك واتمنى كربك

جاوب المغرم بعد كل هالعذاب....فرحان ومرتاح...وكال...

همي يحلوة انزال من هالمودّة.........غيم الحزن والآه بيدج تعدّة...

ضحكت هية وكالت ....

يلة دشيل الماي خلينة نمشي......صرنة اهل واحباب وانتهى كلشي.,.,.,

 

[Umkalthom]

رد: محادثه شعريه رائعه

طرح راقي

واحرف راقصه تحت ضوء القمر


اعجبتني تلك الاحرف المبعثره هنا وهناك

رسمت لي لوحه من آهات وحسرات العشق الجميل


الف ورده حمره وحترام لشخصيتك


تحياتي

 

[مفتاح القلب]

رد: محادثه شعريه رائعه

شكرا جزيلا على مشاركتك وكلماتك الجميله وورداتك الحمراء

احر تحياتي لكي سيدتي

 

[المشتاق]

رد: محادثه شعريه رائعه

بسم الله الرحمن الرحيم

أخي الكريم مفتآآآآآآآآآآآآآآآآآح اقلب
سلمت يدآك للوحة الجميلة والرآئعة
{{{{{ محآدثه شعريه رآئعه }}}}}
دآم لنا فيض العطآء
وللمزيد منَ كل جديد
تحيآتي ودعآئي
دمت موفق

​

 

[توليـــــب✿]

رد: محادثه شعريه رائعه

عاشت الايادي
دمت بهذا الابداع

 

[بـــدر]

رد: محادثه شعريه رائعه

گل آلشگر وآلآمتنآن على روعه پوحگ ..


وروعه مآنثرت .. وچمآليه طرحگ ..


دآئمآ متميز في آلآنتقآء


سلمت على روعه طرحگ


نترقپ آلمزيد من چديدگ آلرآئع


دمت ودآم لنآ روعه موآضيعگ


لگ خآلص آحترآمي

​