مرثية شعر

[العـ عقيل ـراقي]

مشاهدة المرفق 28814

مرثية سمير صبيح

أحجي براحتك واكتب شعر

راح صگار الشعر

واليعرف ابياته

ما كتب لهدام ولا ثنه اركبه

و لا لحس قنادر حته يعيش

ظل وفي حته بمماته

هسه تطش اشعار ماهي اشعار

واليكتبها ما يعرف الصار

ويحجيلك عن حياته

أذكرله هواي اشعار ودارمي

واولهن من كتبت صفن البحور

جنهن گلايد خواته

صح مات سمير بس

خلف سوالف دافيه

وشعر مزهرات ابياته

لونهن بكل صفات الحشد

ورسم عتبة باب تنطر

وبيها من اليتيم دمعاته

وعله گد الشوف چان يگول

باجر تجي ويلادنه مرهدنه

بيهم هبية علي السيستاني

وريحة عباته

باجر تحط انياشينها اعله الگصص

وتنشف الماي بريج الوكت

ويظل بزودهم يحسب ساعاته

هذا سمير الخذاه الموت مسرع

ظل شعره يسولف بيه

وأبن الزود يبقه زود

حته ابمماته..


26/10/2021
العـ عقيل ـراقي









​

 

[جنون العاطفه]

الله الله
عاشت ايدك عقيل ابدعت
رحمة الله على الشاعر سمير صبيح
ودي وعبير وردي

 

[العـ عقيل ـراقي]

شكرا لك
ولجميل عبيرك
كل الامنيات عزيزتي
عقيل العراقي

 

[قيصر الحب]

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي