مرني..

[العـ عقيل ـراقي]

مشاهدة المرفق 33845

مرني وشوف
تلگه شچم جرف بالروح
يتنطر نهر ملگه
مرني وشوف
تلگاني نحر ممدود
مو تدري السنابل توگف مدنگه
مرني ولا تذل گلبي
جن تمرة وجفاها الماي
گوة مجلب بعثگه
أنه من اشوفك
أشلع اعيون الناس
وأرگص مراگص عله اجروحي
وأطول الصفگة
جذابين وروح دور
لو لكيت إگليب مثل إكليبي
يضحك وماكلته الحرگه
تعال وشوفني بعينك
تعال شوف اسوت
بيه الفرگه
سچة دمع من العين للزيج
تمطر والبواجي هواي
وأگلك حيل تاذيني
ساعة الملگة


20/11/2021
العـ عقيل ـراقي​

 

[mohammed.shams]

روعه عاشت الايادي

 

[العـ عقيل ـراقي]

انت الاروع
تحياتي
عقيل العراقي

 

[قيصر الحب]

دااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي