مستاهلين

[المرهفة]

قصيدة مستاهلين كامله

مستاهلين
مانشوف الفرح كل هاي السنين
مستاهلين
منهو بينه الي وگف رد المظالم
منهو بينه العل ذنب من گلبه نادم
إحنه ويه الله صدگ مو خوش اوادم
إحنه صح اسلام لكن ماكو دين
مستاهلين
مانشوف الفرح كل هاي السنين
مستاهلين

من وعينه الدنيه چانت شامخه
وهسه حسيناهه كلش ماصخه
الفقره چانت گبل صارت فايخه
والبشر والله نحس متغيرين
مستاهلين
مانشوف الفرح كل هاي السنين
مستاهلين

گبل لخته الأخ يجيهه والإخت تفرح بجيته
لأن چانت غيرته اتشم الهوى اومالحظة ميته
وهسه ماتت غيرته بفلس الحرام وبعد مايوصل لخيته
ولايهزه الشوگ إلهه ولاحنين
مستاهلين
مانشوف الفرح كل هاي السنين
مستاهلين

گبل فقره وبيهه لذه احلامنه
گبل نحسبهه إخت بت جارنه
گبل مابيهه رياء اعمالنه
وهسه منعدنه شكثر عاش برياء
رشوه ياخذ والخميس بكربلاء
زين ما تطبگ على الأرض السماء

بينه يبچي اعله الحسين .. بينه يصرخ ياحسين .. بينه طبر عالحسين .. بينه يلطم عالحسين .
لكن چفوفه ولا بللهه ماي امنالوضوء
ينظر البت جاره لكن نظره سوء
ولهذا السبب إحنه انريد نرحله من وطنه وبالدول نطلب لجوء
وبالوضع نبقه العمر متعذبين
مستاهلين .
مانشوف الفرح كل هاي السنين
مستاهلين.

إحنه عالدنيه فقط وناتنه
إحنه من انصلي شو ماكو خشوع
ولانشوف الخد حظن دمعاتنه
والسبب لمن نصلي
تجي الحسبه
وننسه ياركعه الحچي ابيناتنه

تلعب الدنيه بفكرنه
ومانگول
الدنيه تگضي اوفانيه
والركع تشبچ علينه
الإوله هاي الثانيه

هاي كلهه ذنوب واحنه
لازم بهالحظة للباري نتوب
يا إلاهي نحلفك بنحر الحسين
إلنه تغفر بالعجل كل هالذنوب
ولأن تبنه الجنه تصرخ
تدخلوني بسلامن أمنين
مستاهلين

شكرا الى الله الذي رزقني هذا
خادم الحسين ع إن شاء الله
الحقير الذليل الى الله
الشاعر
احسان القريشي

 

[آهاات حالمة]

رد: مستاهلين

طرحٌ مميّز ..
يسلْمَكّ ربيِ على هـَ ـآلإنتقآءُ ـآلرآئع ..
بِآنتظارِ قآدِمكُ ـلآجملْ ..
وديِ وَ جنآئنُ وَردي​

 

[malik albasri]

رد: مستاهلين

روعه موضوع رائع ومميز
عاشت الايادي دوم التالق
تحياتي

 

[المرهفة]

رد: مستاهلين

شكرا للمرور وتعطير الصفحة