مـا متعود أكَضي أيامي من دونك

[عطري وجودك]

- مـا متعود أكَضي أيامي من دونك
خل يطفالي كلشي ولا ضوه عيونك
يريت الناس كلها تعوفني بحالي
وبس أنته وحلاتك ترهم كَـبالي
ماسميها عيني الما تجي بلونك
خل يطفالي كلشي ولا ضوه عيونك ،.
- لو بيه مجال أنساك چان أنسيت
وچان أكَـدر أصبّر كَـلبي لو حنيت
بس أعرفها بعدك ما تحب عيني
يل چانت سنينك تشبه سنيني
ليش تروح يم الراح ينسونك ؟
خل يطفالي كلشي ولا ضوه عيونك ،.
- يل طاريك وي كل سالفه أحچيها
فدوه تروحلك كـل دمعه باچيها
وحكَـك ما يريدن يغفن جروحي
مر عطرك ببالي وفرفحت روحي
يل معودها تغفه جفوني بجفونك
خل يطفالي كلشي ولا ضوه عيونك ،.
زيد الهاجري