مكعبات دجاج بالزبدة والثوم مع صوص الفلفل الكريمي 🍖🥛

[sally]

مكعبات دجاج بالزبدة والثوم مع صوص الفلفل الكريمي

المقادير:

للدجاج:

• 500 جم صدور دجاج مكعبات كبيرة
• 40 جم زبدة
• 1 ملعقة كبيرة زيت
• 4 فصوص ثوم مفروم
• 1 ملعقة صغيرة ملح
• ½ ملعقة صغيرة فلفل أسود 🌶
• ½ ملعقة صغيرة بابريكا

لصوص الفلفل الكريمي:

• 1 ملعقة كبيرة زبدة
• 1 ملعقة صغيرة فلفل أسود مجروش 🌶
• 200 مل كريمة طبخ
• ½ كوب مرق دجاج ساخن
• 50 جم جبنة مبشورة (موزاريلا أو رومي)
• رشة ملح خفيفة

طريقة التحضير:

نسخن طاسة تقيلة جدًا على نار عالية، نحط الزيت والزبدة.
ننزل مكعبات الدجاج ونسيبها تاخد لون دهبي من غير تقليب كتير عشان متطلعش مية.
نضيف الثوم ونشوح 30 ثانية بس.
نضيف الملح والفلفل والبابريكا ونقلب ونطلع الدجاج على جنب.

نعمل الصوص:

في نفس الطاسة نحط الزبدة.
نضيف الفلفل الأسود المجروش ونحمصه 20 ثانية يطلع ريحته.
ننزل بالكريمة ونقلب، بعدها المرق.
لما الصوص يبتدي يتقل، نضيف الجبنة ونقلب لحد ما يبقى كريمي تقيل.
نرجع الدجاج للطاسة ونقلب دقيقة واحدة بس.

القوام الصح:

الصوص لازم يكون ناعم – لامع – مغطي الدجاج من غير ما يبقى تقيل زيادة.

نصائح الشيف أحمد شراره:

• سر الطعم هنا في الفلفل الأسود المجروش الطازة مش البودر.
• لو عايز طابع مطاعم أعلى، ضيف رشة صغيرة صوص مستردة ديجون.
• متطبخش الدجاج زيادة عن 6–7 دقايق عشان يفضل طري.
• ينفع يتقدم مع باستا وايت صوص، بطاطس بيوريه، أو رز أبيض.

 

[قمرالفخامة]

شكرا على الطرح

 

[عطري وجودك]

يعطيك العافيه ع الطرح المميز
تسلم الأيادي ع الجلب
محبتي

 

[Retaj Al-Hassan]

عآآشـت آلآيآدي

يسـلمـووو ع آلنقل

 

[sally]

شكرا للمرور العطر