من جلدي بزعت ولابس اهدوم

[عثمان العكيدي]

من جلدي بزعت ولابس اهدوم
شلون اخلص بعد وانزعه لجلدي

وانطي الروح بس تروح الهموم
أشُك واحد حملهن يوم گدي

على قلبي الالم والوادم اتلوم
كلها أتريد مني واني وحدي

حزني اغراب راح وصادق البوّم
جذع وسط النهر والروج ضدي

أعيش إبغنى بس كثير محروم
حتى أنفاسي مني إتصير ندّي

مسلّح بالعوطف واني مهزوم
أكابر ع الشدايد وأنسى وعدي

فقير اطباع تايه كلي مصدوم
يبوس اليتم راسي ويصفع إبخدي

وإذا يمي القلق يوميه معزوم
يفرض بيه نفسه ولا رحم چبدي

وصديقي اللي طحت گدامه معدوم
يحط لي المشنقة ورد ياخذ العندي

 

[حكاية روح]

رد: من جلدي بزعت ولابس اهدوم

اختيار مميز
شكرا لك

 

[.ابن الجنوب.]

رد: من جلدي بزعت ولابس اهدوم

كلمات رووعه
عاشت ايدك

 

[ذوق]

رد: من جلدي بزعت ولابس اهدوم

شُكراً لِ ذوقِك
يََ سيد آلذّوق
-

لِ قلبِك مآ يشْتهي​

 

[قلب شجاع]

رد: من جلدي بزعت ولابس اهدوم

سلمت الايادي الطيبة
في الابداع والتواصل المستمر

تحياتي​