ميت وما ميت شرد اكلك غير
ميت وما ميت شرد اكلك غير
يلتسئل على حالي انا مو بخير
من يوم الغبت واهاتي مسموعه
ميت وما ميت شرد اكلك غير
جسد بلايا روح والروح موجوعه
من غبت صار كلشي عكس السير
حزن ودموع تجري والضحكه ممنوعه
لا تظن عايش بلياك الله بالخير
نفس مخنوك والروح يم ربها مودوعه
ردت اضحك واضم حزني عالناس
ماريدن يكولون يقهر هذا موضوعه
شتظن بعدك نسيتك وانتهينا هنا
على لساني ذكرك صباح وكل مسيه
تدريني احبك وانطيك برهان
قريبا تسمع وافاته المنيه
يا دنيا شبيج كافي عناد وياي
كافي عذاب وهم واذيه
شتردين يالما نصحتيلي بيوم
كافي الاخذتيه من بين ايديه
يا دنيا شبيج عوفيني اترجاج
كافي حزني وكافيني الي بيه
عوفيني وشوفي غيري ارجوج
ترى ما ضل كلب يحمل اسيه
اشتاكيتلك شوك ما ينكتب بحروف
ولو ردت اكتب ما يكفيني الوصف
عايش بغربه ما اعرف اسماء
وعلى لساني اسمك باقي العرف
ما اكدر انكرك وانساك فد يوم
شفت عمرك بحر بلاياجرف
