هاك أخذني..

[العـ عقيل ـراقي]

هاك اخذني بسمة فرح
لباب بيتك
هاك اخذني تعبتني الغربة
ومن غربتي اشتهيتك
ياطعم الحلم والشوف
اوف اشكد اتخيلتك
بجت اشفافي اسنين
وتمنت تحب ايدك
وانت مامش بكل الليالي
ولاكمر يحمل وصيتك
دوريتك..
يا اول حلم امطرز سيسبان
طشني عالصدرك
يامة اتوسليتك
يامصعبك يامسهلك
وانت رابي بجنح طير
وروحي ريشة هزهزها الهوا
كاضي وكتي بس الك
حسبات ودواهي الدهر وياي
وملاطم انه وياه ويسبكني
ويشكيني الك
شرد اسولف وشرد اكول
وانت كامة حسن مزيون
والشمس غافيه ابظلك
هاك اخذني ضحكت ليل
وبالشفايف ضوكني حلاتك
هاك اخذني جرح مالوم
وانطيني ساعة بوصالك
كلشي مارايد
بس دليني عالبابك


..
11/10/2014
العـ عقيل ـراقي​

 

[مخملية]

رد: هاك أخذني..

هاك روحي بلا مقابل
والعب بكيفك عليها
طفلة ماتعرف حزنها
بس فرح ممليه اديها
روحي خليها امانه
ودير بالك بس عليها
عوف كلشي ولاتضرها
وصير بسيوفك وليها
احميهه من كلشي بنفسك
بجفك امسح كل بجيها
ماتنام الاعلى جفك
ليل واشباح التجيها
وانه اخاف عليها منك
خاف ماتسمع حجيها
روحي واعرفها تودك
وياماحاجيلك عليها


شعر متقن بمفردات جياشه

عاشت الايادي

 

[توليـــــب✿]

رد: هاك أخذني..

الله عليك
عاشت ايدك على القصيدة الرائعة

 

[عاشقة شاعركم]

رد: هاك أخذني..

رائعة بجد..​

 

[وارفة الظلال]

رد: هاك أخذني..

حين يكون للكلام جماله
و حين يسطر الإبداع سحره
هنا نكون بحاجة للتجول بين أرجاء أحرفك الرائعة
كل سطر أقرأه أجد له معاني متجددة
وكل حرف أمر به أجد له بريقاً و وهجاً
يضيئ بالجمال و الإبداع
تحياتي لك و لهذا الفن الذي اراه
شكراً لروعة ماقرأت هنا
تحياتي


​

 

[العـ عقيل ـراقي]

رد: هاك أخذني..

راقني هذا العبق المتناثر هنا
شكرا لروحكم وطيب حرفكم
شكرا من القلب لجميل تواجدكم
كل الامنيات
عقيل العراقي

 

[سوسو]

رد: هاك أخذني..

يسلموووووووووووووووووووووو

 

[العـ عقيل ـراقي]

رد: هاك أخذني..

شكراااااااااااااااااااااااااا

 

[المايسترو]

رد: هاك أخذني..

رووووووووووووووووووووعه

 

[յαšmïηε ςαﾚm»❥]

رد: هاك أخذني..

احساس رائع
دمت بهذا الابداع
باقات من الورد لك