هنا ابو معيشي اسس للشعر عنوان

[ابو مناف البصري]

هنا ابو معيشي اسس للشعر عنوان
هناه اصل الشعر وحچاية الحسچة

وحسين الدريول صاح هـــاا الولاد
هناه ميدان هــــوسة وبيرغ ودچة

هناه ماجد كتب اجمل قصيدة ولون
هناه قصة حمد والــــريل والسچة

هنا عنبر شتاله مخضر اعله الطيب
هناه عطر الاهوار وريحته ومسچة

هناه تم العقد مـــابين أهل السوگ
ومـــــــابين الادب وبراسهم ملچه

هناه سارت قـــوافل ثورة العشرين
هناه كوكز وربعة مــــــــرغوا فچه

هناه موكب كرم زوار ابو السجاد
هناه سفرة وطبخ والتمن وبرچـه

هناه اهل الفصاحة والعلم والدين
هناه سوگ الشيوخ الــراد يتوچه
-----------------------------------------
هناه يجبر كسرهـــــا كون بالساگ
هناه تمشي برهاوه موش بالساگ
اهناه اصل الادب والشعر بالسوگ
اهناه حـــــــوزة ومراجع للبوذية
---------------------------------------
عـــــــــــدنان الـــــــــــــرحيماوي

 

[الجور ي]

جلب مميز كحضورك
سلمت الانامل ودام التألق