هنيالك نسيت الماكدر ينساك
وهنيالك تنام وتغفه بالليل
انه مفرفح عليك وعفت بصمات
على اوجوه الليالي وشايف الويل
الدهر أغضب عليه ودار وجها
وبنيرانه چوه احشاي وجها
صديقك لو زلف عالعدل وجها
مو بالعكس تحفرله ابهبيه
نسيت شگد لأجل عينك شفت لوعــات؟
وفوك هموم گلبي تحـــــملت هـــــمك
اگلك جرحي ينزف يمــــك انــــت دواي
تگلي انزف وموت واغــــرك بدمـــــــــك!
واگلك تعب گلبي تگــــلي روح ارتــــاح
ياراحه التجيني بغــــــير ما اشمـــــــك؟؟
لتعاشر شمس وتكول توفي وياي
مو طبع الشمس للناس وفاية
ولا تامن شخص لو شفته طيب السان
يرميلك سهم ويلفة بحجاية
وليغرك نهر وتشوفة ازرك لون
ماتدري النهر انت شغمك ماية
بس ازرع شجر ماتخسر انت بهاي
لأن وكت التعب ترتاح بفياية
وظل دور حبيب يفيد وكت العوز...
يوكفلك جسر ويصير تجاية
