ولو بچينه شراح ينفعنه بچينه
چم فجر طر وبچه ويانه علينه.؟
ليا وكت هيچي نضل نلوب سكته
ومحد يعرفه شنو المكسور بينه.
ولا يتوب أمن المحنه ولا يبطل
شكو بـ هل دنیا حنين يكف حنينه.
الناس والدنيا ابد ما ترحم أحد
والحنين يخونه كل شي، حته عينه.
وهاي عيني شكثر اقنع بيها آنه
(وگلبي والله)
ولو حچو بـ عزازها تنسه شحچينه.
ولك يا گلبي دكافي أمن المحنه
غير بس لچمات گلي؟
آنه وياك شحوينه.
خاف تالي وولك ننباع بدراهم
وفشله من يبيعنه ألي مشترينه .
ومو جديده واحنا نعرف يا حبيبي
شكو حنَيِن منطي گلبه بايعينه.
زين باچر خاف نعثر بـ البواچي
وتغفه أنتَ وآنه اموتن من يجينه.؟
بله هسه شجابنه لـ هاي السوالف
كافي شنهي وها كثر حسبات بينه .
وباچر الله يحلها باچر كافي بسك
خلي نغفه لچن نتغطه بـ بچينه.
-زهراء حيدر
چم فجر طر وبچه ويانه علينه.؟
ليا وكت هيچي نضل نلوب سكته
ومحد يعرفه شنو المكسور بينه.
ولا يتوب أمن المحنه ولا يبطل
شكو بـ هل دنیا حنين يكف حنينه.
الناس والدنيا ابد ما ترحم أحد
والحنين يخونه كل شي، حته عينه.
وهاي عيني شكثر اقنع بيها آنه
(وگلبي والله)
ولو حچو بـ عزازها تنسه شحچينه.
ولك يا گلبي دكافي أمن المحنه
غير بس لچمات گلي؟
آنه وياك شحوينه.
خاف تالي وولك ننباع بدراهم
وفشله من يبيعنه ألي مشترينه .
ومو جديده واحنا نعرف يا حبيبي
شكو حنَيِن منطي گلبه بايعينه.
زين باچر خاف نعثر بـ البواچي
وتغفه أنتَ وآنه اموتن من يجينه.؟
بله هسه شجابنه لـ هاي السوالف
كافي شنهي وها كثر حسبات بينه .
وباچر الله يحلها باچر كافي بسك
خلي نغفه لچن نتغطه بـ بچينه.
-زهراء حيدر
