وحگ ضيم الليالي
وشهگة الفرگه
وحگ كلمن چواه الضيم
نام وكتلته الحرگه
وحگ شفافنه الزرگه
اهم بيك
بكثر ماهمت امك بيك
فك صدري
تعال وشوفني شتلگه
خلگ شاعر واسولف بيك
ديوان القصايد
تاكل بخلگه
يشجرة موز
حگهه تغار منك شجرة النبگه
شحجي اعله جمالك وانت اصل الروح
حلو وماكو بحلاتك ذرة ملوحة
سكر من ابوسك بيه خاف يصير
لأن كلمن يبوسك تنسحن روحة
********
دفتر صرت الك وسنين عمري اوراق
وبجفك قلم وبكيفك مليني
احبك وأطمئن لا تعتقد انساك
اذا حبيت غيرك شكك سنيني
