ومضات شعرية بحق الإمام علي( عليه السلام)

[زهراء]

حين طلـــكت مريم بعيسى المسيح
جــــــــــــــذع نخله ياخلك هالهزته
وحين طلكت فاطمه بحامي الدخيل
جـــــــــدار بيت الباري والله طرته


طـــــــبع بالنسوان من تطللك تصيح
ياالاهــــــــــــــي برحمتك احضر الي
وحـــــين طلكت فاطمه بحامي الدخيل
بصـــــــوت صاحت ليه احضر ياعلي


ليش بالكعبه انولد حامي الدخيل
باي مكان المرتضى جــان انولد
كـــــــــل مهد ما يلم جفــك علي
ولذالك صــــــــــارت الكعبه مهد



انتـــــــه جفك ياعلي امره عجيب
صـــــــــــــار للاسلام ياحيدر رمز
ســاعه اشوفه بالحرب يكطع راكاب
وســاعه اشوفه ياعلي يوزع خبز



سيف حيدر لو وكع فوك الركاب
يخــــطف اركاب الزلم من وحده
ويمــــــــه عزرائيل يكعد مايكوم
خــــاف راسه ينخطف ويه العده




سيفــــــــــك الزلزال ياحامي الدخيل
يعــــني تفني الكون لوصار الحراب
شلون صـب الماي والله اعالروؤس
جان سيفــــــك سيدي يصب العذاب


لـــيش ربك حلل علينه السجود
عالتراب وماكو علينه الحساب
لان لجـــــلك انخلق كل الوجود
فلذالك جاز نسجـــــــد عالتراب


الـــــكرم طبعك نعم يبن الاصول
واليمــــوت ويندفن تحت التراب
يعــني خطارك علي بيوم الممات
ومايمسه كـل ضرر يوم الحساب


يعـــني معقول علي اتطبرك سيوف
وانته عـــــــــــرش الله يقبل هامتك
هـــــــــوه راد السيف ايصلي وراك
ومــــــالكه موضع سجود بحضرتك
فالذلك شــــــــــــاف هامك من بعيد
اتقــــــــدم السيف وسجد في هامتك


ومــــا اصدك ياعلي انته التموت
ومــا اصدك بالصلاة انته الطحت
انتـــــه ياحيدر علي الحق المبين
ويعني مات الحــق اذا انته المتت

 

[أنثى يغار منها الورد]

رد: ومضات شعرية بحق الإمام علي( عليه السلام)

تسلم الايادي على الانتقاء
الجميل والابداع الرائع
ننتظر القادم بشوق
مودتي
انثى يغار منها الورد

 

[زهراء]

رد: ومضات شعرية بحق الإمام علي( عليه السلام)

انرتي متصفحي عزيزتي
شكرا لجمال التواجد
مودتي

 

[MS.Shaghaf]

رد: ومضات شعرية بحق الإمام علي( عليه السلام)

كلماات رائعه جدا
نالت اعجابي بشدة
سلمت ذائقتكم الانيقة في الاختيار
جنائن ورد لارواحكم النقية

 

[GrAcIaS]

رد: ومضات شعرية بحق الإمام علي( عليه السلام)

سلمت الايادي

وشكرا لجهودك

وديـ : )