ويصلي الشوفتك شباجي كل اغروب
أوكف جف ذهب عن لا تجيسك عين وانته العين
واسبكلك ويصلي الشوفتك شباجي كل اغروب
ويرد يبجي اعله طولك ثوب
واغزلك بين ذاكرتي ومخيلتي فرح للناس
وندولب جدم رافك جدم
وأروضنك فرح واعراس
تعرك سالفه بيدي ولحد باب الخمر لنك تفز وهواس
وتردني ردود لاول باب
ورد اتوسلك نيسان غيم وداع
وافرشلك عطش هالروح
اوصفنلك شعب عطشان طرز كل حصاره احزان
بخدود الجهال احزان
وتبعد عله اعيوني ابجنح ماملحوك
وتصير ابعيد ماشوفك واشوفك شوك
شريض بيك جنحك غيم وآنه اجناحي بس جلمات
ويتيهني الضوه بس عطرك اولايات
واطش روحي اعله كبر الكاع
تنام الناس نسمة صيف واصحالك خلك وحاش
