يادرب الخذاك..

[العـ عقيل ـراقي]

يا واهس الملگه والمشابگ ذاگ
يافزعة نده وي طرة الفجر
والبلابل الغافية بسد الحچي
والهمس الذوباك
إحسبها غلطة وبيه اتعرفت
وامحي كل ليالي سهرك
ونيم المطرة بين شبگات أمس
وخلها تخدر الچلمات
بين الصاح عليك بالعافية
وبين الغرس بعيونه
رسمك وإشتهاك
هديت رسن روحي فوك جمرك
وگلت خلها ما متوازي
وأحس بيابي العين يوصل حرگها
لاتسولف وانته كل سالفتي
أحبك حته لو درب الصد خذاك
اظل حاضن اطيوفك
واحچيلهن شعر بسكوت
ويتراجفن احروف شعري
من يمر طرواك
يلمگذل شيم ابريسم
والخصر دلة بجمر يلصف
والشفايف تنبع خمر
وعاگد بين إخدود النهد
نهر يستر اجروفه مشتهاك
وأتلولح مثل طيحة وطن
بين إربوع نهدك
وأگلگ يا درب الخذاك..

10/03/2019
العـ عقيل ـراقي

 

[فتنةة العصر]

رد: يادرب الخذاك..

روعات وايد الإبداع يلبس حله جميله
عاشت يمناك المبدعه
تستاهل اجمل تقييم واعجاب

 

[العـ عقيل ـراقي]

رد: يادرب الخذاك..

فتنة العصر..

حضورك اجمل من كل التقيميات
وحرفك اجمل من كل النجوم
شكرا لعطرك هنا
عقيل العراقي

 

[وردة الياسمين]

رد : يادرب الخذاك..

âٹ°âٹ¹âœ؟ روطڈــــــــه تـــســلـم ايــدعھâœ؟âٹ¹âٹ±

 

[سعاد]

رد: يادرب الخذاك..

شكرا جزيلا على الموضوع الرائع
ننتظر منكِ الكثير من خلال ابداعاتك المميزة

 

[العـ عقيل ـراقي]

رد: يادرب الخذاك..

شكرا لكما احبتي
على طيب الحضور
كل الاماني
عقيل العراقي

 

[وارفة الظلال]

رد : يادرب الخذاك..

طرح مميز ورـآئع
يعطيكـ ـآلعآفيه وبآنتظآر جديدكـ ـآلقآدم بشوق
دـآم ـآبدـآعكـ ودـآمت موـآضيعكـ ـآلجميله​

​

 

[العـ عقيل ـراقي]

رد: يادرب الخذاك..

شكرا لإطلالتك ايتها الحزينة
أبعد الله الحزن عن قلبك
شكرا من القلب
تحياتي
عقيل العراقي