يانهران اهلنه..مظفر النواب..

[العـ عقيل ـراقي]

يا نهران اهلنه
مظفر النواب

ياما اتوجي
بجروفج
انجوم الليل
والكمره خذوها
ابعيد الغراريف
يا نهران اهلنه
ويا ما لعبنه عريانين
ما نعرف
ولا ندريش
يا ماي العروس
اتوكح اسواليف
يا نهران اهلنه
ذيج الليله
ختلنه دفو الكمره
مثل كل ليله
يا احبيب.. ولا ندريش...
ولن بالظلمه
ما مكصوده يبن آدم!
لكينه الدفو
توه ايريد يدفع
والصدر توه فرش دوشكه
للعرّيس
ومن ليلتها يبن آدم!
من ليلتها ما مش في ايكفينه
وحجت بينه
حجيها الناس!!
:سمعنه العسل بشفافه..
:لكينه ابجفه طعم الخاصره
وسرعة نفسها الحار!ّ
:شفناه اعله شفتها!
دخيلك يا علي الشرجي
:لكيناهم!
ولك ما تنحجي السالوفه يبن آدم
وكعنه ابحلك الغراريف،
سالوفتنه حطّاها السلف وردة شذر
بخشوم المشاحيف
حته الكفه فرّت بيها
بشطوط البعيده
وسوت سواليف
ومن ليلتهه يبن آدم!
وسطة ماي
وما ضاكت جرف لليوم
روحي الترفه
يا بن آدم!
تجر جرفك عليمن؟!
انه سويتك جرف
يفلان
يابن آدم
ابن آدم
عله ابنادم
تكبر
ليش يبن الليش يبن آدم!
يا نهران اهلنه
وها! وصلنه
ولن خبط ماي العروس
بلا سبب
والتموا الشمات
لامونه
وبجوا
وعيونهم تضحك شماته
حبيبة يا نهران اهلنه..
وصفطوا
احجايات واحجايات!
وابنج
شمرت ليالي الغرب
كل الشبج فوكه
وايرافس
جنه كوسج موت
شك الشبج
لاجن كلبه من اسنين
طكة خياره
طك
ومات
مرات العمر خفك.. وفرفح
وانذبح مرات
يا نهران اهلنه السجه عدت
والجسر مرفوك البساتين
شايل كل حزن تشرين
واشرنا له
يمكن شافنه.. وما شافنه
وفات وبعد ما فات
كعدنه
انطش بختنه
والحزن
والليل
والحسرات!
كلنه: الكمر
كفت ليل
تنكل ذهب للبصرة
كلنه نجمة الغبشه
اشتهت نهران اهلنه
اوصبحت خضره
كلنه ابن آدم الخلينه
كل العمر بشليله
نفضنه وراح لهله
ايمشط ابشعره
ورجعنه اجفوفنه اتصوفر
من العالم
واهد ليلتهه يبن آدم!
وسطة ماي وما ضاكت جرف لليوم
روحي الترفه
يبن آدم
تجر جرفك عليمن؟!
آنه سويتك جرف
يفلان يبن ادم
ابن ادم عله ابن آدم
تسودن.. ليش يا ابن الـ...
الليش
يا ابن آدم​

 

[نجم المياحي]

رد: يانهران اهلنه..مظفر النواب..

روعه عاشت الايادي

 

[‏أعہشہقہ أنہفہاسہكہ]

رد: يانهران اهلنه..مظفر النواب..

كلمااات رائعه اعجبني ماانثرت هنااا دام ابداعك ولك مني كل الاحترام دمت لناا ودائم قلبك وقلمك

 

[العـ عقيل ـراقي]

رد: يانهران اهلنه..مظفر النواب..

سمو البغدادية
راقني حضورك
وجميل حرفك
كل الامنيات

 

[آهاات حالمة]

رد: يانهران اهلنه..مظفر النواب..

تسلم الايادي ع الطرح المميز ​

​

ننتظر ابداعك وتميزك ​

​

احترامي وتقديري​

 

[العـ عقيل ـراقي]

رد: يانهران اهلنه..مظفر النواب..

اهلا بكِ بصفحتي
انرتيها بسناكِ
شكرا لكِ
العراقي

 

[المشتاق]

رد: يانهران اهلنه..مظفر النواب..

بسم الله الرحمن الرحيم


أخي الكريم مسآفر بلآجوآز


سلمت يدآك للوحة الجميلة والرآئعة
والأختيآر الموفـــــــــــــــــــق
{{{{ يانهرآن أهلنه }}}}}
دآم لنا فيض العطآء
وللمزيد منَ كل جديد
تحيآتي ودعآئي
دمت موفق​