حِنينك
بگد إسنين نامت بهضمها
ويرسم إبيابي العين حلمها
ويرد الشوگ من تالي وكتها
وأنت ذاك أنت
المخوضر فرح
ومرشرش بشذرها
حِنينك
يسكت الآه بروحي وبتالي يلمها
ويصير لجروحي مرهم وضمدها
ويشگگ گواغد بيها شعري وألمها
وانت ذاك أنت
المطفح ترافة
وبيك كله اسمها
حِنينك
بفراگگ كلش غاب بمراياتنه لمعها
مرة نسهه ومرة ياخذنه لذكرك دمعها
بأول ليلة طرشنه إگلوبنه هلبت تردها
وانت ذاك أنت
المرهدل سوالف
وانت كل قصتها
يا حنينك..
01/02/2019
العـ عقيل ـراقي