يا گلبي الحزن محراب

[عطري وجودك]

منين الغوث ؟ اذا چتالك ظنونك
حلمك من يروح بعيد
يتيه وينخطف لونك
شما داريت .. تتدرفع بصدرك آه
وتعرض دمعة بجفونك
شتسد يا باب ؟ .. شما سديت
حزنك يفضح عيونك

يا گلبي الحزن.. مو باب
الحزن ناعور ؟ لو دولاب ؟
لو عين انچفت ع الباب ؟

يا گلبي الحزن غيمة ....؟
واذا مو غيم ، ...
من يغسل ذنوب الباب ؟؟

يا گلبي الحزن ليلة ؟
واذا مو ليل ، چا ليش الغروب صواب ؟!

و اذا يكبر يشيب.. يموت
شعجب حزن المگابر شاب ؟؟

يا گلبي الحزن محراب
الحزن كلسا يذبنه بباب
الحزن من تچهب الصحره
وتصد عنك
وانت تراب ..
الحزن هم فرح... بس چذاب !!







هاشم الخزاعي

 

[الشيخ]

عطري وجودك

شكرا على الطرح