يخرخاشة طفولة گلبي
شيسكّتني من دونك؟!
أهج لوين ؟!
وآنه أشرب صفنّتي
من أغص بضنونك.
شيصبّرني من أشوف الليل
بايگ لمعة عيونك..
من أشوف النهر
يچّفي
وينكسر نصين
أذا يصعد على متونك..
أهج لوين؟!
وانتَ الگاع لبست ردن من ثوبك..
وانتَ الكون هذا يضيع بدروبك..
أخذني وياك
أنه مطشر حنين وشوگ
مو صعبة عليك تضمني بجيوبك..
وانتَ شبيك يمعود
اذا حنّيت بالبسكوت ما تنحسب
غيبة وتكثر ذنوبك..
يمتة تشيلّني گلادة
وتشوف الناس مصلوبك؟!
يمتة اخلص بخور
بساعة غروبك؟!
يمتة الگة حضن ما بي
ريحة شعرك وثوبك؟!
من مرت جنازة عمري يم الباب
ما غص گلبك وحاچاك؟
گلك ذاك محبوبك !
شيسكّتني من دونك؟!
أهج لوين ؟!
وآنه أشرب صفنّتي
من أغص بضنونك.
شيصبّرني من أشوف الليل
بايگ لمعة عيونك..
من أشوف النهر
يچّفي
وينكسر نصين
أذا يصعد على متونك..
أهج لوين؟!
وانتَ الگاع لبست ردن من ثوبك..
وانتَ الكون هذا يضيع بدروبك..
أخذني وياك
أنه مطشر حنين وشوگ
مو صعبة عليك تضمني بجيوبك..
وانتَ شبيك يمعود
اذا حنّيت بالبسكوت ما تنحسب
غيبة وتكثر ذنوبك..
يمتة تشيلّني گلادة
وتشوف الناس مصلوبك؟!
يمتة اخلص بخور
بساعة غروبك؟!
يمتة الگة حضن ما بي
ريحة شعرك وثوبك؟!
من مرت جنازة عمري يم الباب
ما غص گلبك وحاچاك؟
گلك ذاك محبوبك !
