العـ عقيل ـراقي
اجملُ شيء التجاهل..
يلما تنشره وتنباع
يابحرة شوگ
وبروچها تمزگ اشراع
يا صفنة أمرايات
وعله حسك وطاريك
يخضر النعناع
يوچني الشوگ لشوفتك
وألهب من يطول افراگ
چن جمر لذاع
ولون بالچذب حجوا
بسمك
أفرفح وما تلمني
سمه ولا گاع
أعشگك عشگ عميان
ما شاف غيرك
وأتنومس بيك
وك لا تگلي اوداع
يا مسرفن نداوة
وعله الچتف زهرة
وحدر نهدك
چن ريحان ينبع انباع
يامهرة مرسنة اترسن
والخصر لفحة ربيع
بيها الورد تغشم وضاع
وكلها العيون روحي
تناطر جيت الغاب
حد ماشيب رمشها
والجروح البيها اوساع
شتلحگ عليهن وتخيط
يذرفن ذرف ناعور
وچنهن كل جرح اذراع
يا سولة وگلت أبطلها
شما ردت منك أتوب
ألگه فارش حسنك
عله الگلب اضلاع
يلطولك سالوفة نوم
تحله بكل ليل
ويغفه عليها المشتاگ
يلما تنشره وتنباع
01/01/2021
العـ عقيل ـراقي
