چا حزني يمته ينام ــ؟

[فقار الكرخي]

چا حزني يمته ينام ــ؟
هنا مامش ضوه،،، مامش ضوه هدني وراي أحلام،،،،
آنه بهذا العمر وحدي،،،
آنه مسجون بسنيني وعليه عدام،،،
آذا آگلك آنه معذب تصدگني ـ؟
وآذا آگلك آنه مغرب ترجعني ـ؟
ولك چنك تعرف منين تلزمني،،،
ولك چا وين تاخذني،،،
آنه منسي ولا صحلي عرف بالناس،،،
آنه وشاله آنست بالكاس،،،
ي ون الفاجدات يهيد يم نوحي،،،
يغربان الحزن كلهن ع سطوحي،،،،
هاي المادرت شنهو الفرح،، روحي،،
آنه بهاي المدينه التذبح الثوار آخاف آمشي،،
آخافن والنعاس مچلب برمشي،،،
آخاف بلا هلي ردني،،،
وآذا تعبتك ومليت،، شد عيوني وبقمصاني آدفني،،،

موعود الرشيدي...

 

[mohammed.shams]

رد: چا حزني يمته ينام ــ؟

لجهودكم باقات من الشكر والتقدير على المواضيع الرائعه والجميلة