چذاب

[العـ عقيل ـراقي]

​

قصة قرأتها عن عريس
ترك عروسه ليلة عرسها
فكتبت عن لسانها هذه
الكلمات..​

دگ گلبي وإعرفت اجواب

وحسيت الگمرة أطش أتراب

وشهگت روحي الحيرانه

مدري يمرنه مدري ينسانه

آنه وكل اسنين الغربة متانيته

وبيدي المكتوب وما فكيته

ومتوشحة بدموع اعيوني

وإضفاير مهدلة بظنوني

يا شبگة أمس يم الباب

وطحيتنه النشوة إتراب

چذب ما عنت عليك الشبگات

ولا شميت ريچي وي النسمات

هديت اضلوعي والبهين

وأركضلك وأنشف العين

وياوسافة چنك كلش ما شفتني

وأحلفت شكثر بعيوني وأملتني

اصد وألگه حضنك بحضن غيري

والضحچه ترس احلوگ بسريري

وآنه والسٌمُاكٌ والليل وريحة ابخور

عطيبت واشوفن تصاويرك ادور

وچذباتك وغلاتك اعرفك چذاب

بس بگليبي إعليك إغلگت الباب..


30/06/2022
العـ عقيل ـراقي



​

 

[قلائد الياسمين]

جذاب
و ما عنده اصلا احساس

كنت هنا اقرأ القصة
بمداد قلمك الشاعري

لقلبك ولنبضك التقدير
لهذا الحس يا شاعرنا عقيل

 

[العـ عقيل ـراقي]

جذاب
و ما عنده اصلا احساس

كنت هنا اقرأ القصة
بمداد قلمك الشاعري

لقلبك ولنبضك التقدير
لهذا الحس يا شاعرنا عقيل

وما اكثر القصص
وفيها المشجي والمتعب والحزين
وما على القارئ الا التمعن بها
هكذا هي الحياة
كل الامنيات عزيزتي
عقيل العراقي