أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[الرااااكد]

اشيلن طن حمل گلبي وحطن
المصايب چلچلن فوگي وحطن
الچنت اخذ من حلكي وبحلكه احطن
تركني ليش وخان بيه

 

[الرااااكد]

الگصب لو مات ماينذب يرد ناي
الهلي تيهت ماواحد يردناي
ابد لاتمسح المدمع يردناي
اريد اعمى وتگود الناس بيه

 

[الرااااكد]

بعد مااريد اعيش ولا يوم
وابد لا تبجين على وج يوم
انا الصاحي عمر ومانمت يوم
تاليها لنايم صفت مو لية

 

[الرااااكد]

بعرس رحنا ويدگ الطبل رد ناي
وعلى ولفي شگگيت اثنين ردناي
ياللهي ابداعت العباس رناي
لبطن امي ويصير اسقاط بية

 

[رمااد اانسان]

خفف يا لهيب جفاك. بي شاب
خويت وحتى رمش العين بي شاب
الكلب بجفاك جن تابوت بي شاب
وحيد أمه وتخيل نوح بيه

 

[رمااد اانسان]

ليش العمر يمشي مايتاني
شربت ماي منك ماي اتاني
اذا تتأخر الليله ميت اني
ولو بآخر نفس تلحك عليه

 

[رمااد اانسان]

اهمن بيك ونته وياي.... لابال
بجفاهم لا عكل ضل براس لابال
صرت هيمه لاحفضت..... الغنم لابل
صافن ولهموم دير بيه.......

 

[رمااد اانسان]

مشتاكه روحي عليك شوك اليصومون
شكد يشتهون الماي بس مايشربون

 

[رمااد اانسان]

وحك هابيل وي قابيل--------وي نوح
يفز كلبي أبتوالي الليل--------وي نوح
تدري أشصار بل طوفان------وي نوح
هيج أنه إبغيابك صار بيه

 

[رمااد اانسان]

ابشرك
طاب جرحك بس آلم ظال
ابگلبي وبصورك بس الم ظال
شعجب بينك وبيني بس سلام ظل
يالاكثر من هلك ملكاك اليه