السلام عليكم ورحمت الله وبركاته
اليوم جبت الكم مجموعة ابوذيات
للشاعر الكبير
:53:عبد الحسين الحلفي:53:
وأتمنى تعجبكم....:5:.....
*** *** ***
إبتليت إبحب حبيبي
بلوة هاية
ولوة هاية وأعينة
بلوة هاية
إنعمت هاي إعلة مودة
بل وهاية
ويكلي شبيك ماتبجي علية
_________________
إشفنة من وكتنة
شفتهمنة
وهمنة إكبال عينك
شفتة همنة
ذبحنة وفوك ذبحة
شوف تهمنة
يكلهم بالذبح تعبولي أدية
_________________
أحباب ألروح كلبو فرد كلبة
ووكتنة إبلون نص الليل كلبة
دفعني وإنكلبت شلون كلبة
وسحكني ومن عثر ظل يسب بية
_________________
يدنية وياي بعد وبعد
جدي
وعلي صيحي بعالي ألصوت
جدي
هجمتي بيت أبوي وبيت
جدي
وأنة إبلا بيت شتهدمين بية________________
كبل من أصل طيب فرعينة
هسة ألعكل طاحت فرعينة
ألوكت يخزر علية فر عينة
درت عيني وبقت عينة علية
_________________
ألعتب عالكتب هل دستور
عل سن
بوطنة زعلت ألضحكات
عل سن
إعلاسة وألشعب معلوس
علسن
وقفلتة وإنعلس قفل ألبوذية
_________________
ألضم خيط حبك وندف آني
وأون بشتة فراكك وندف آني
عدل وأصرخ وصيحن وندفاني
بلكت تصدف وتخطف علية
_________________
موش إحنة بحلاتك منتمرنة
دمرنة وضوك وشبع منتمرنة
نطشلك واهلية من تمرنة
ونحط جادر إذا مابيك جية
_________________
علية مخلبصات هواي ماحيل
ولا حيل ألبقة بفركاك ماحيل
تولتني ألشماتة حيل ماحيل
وأنة وياهم أصيحن حيل بية
_________________
باد ألحيل وأتعس بيدة هاية
وطلع ماكر حبيبي وبي دهاية
سالمني وشبكني بيدة هاية
وبيدة ألثانية يأشر علية
_________________
إشفافك عسل و حصتي
مرة منهن
وإكطعلي جلاي سهمك
مرة منهن
إشكم مرة لحكتك
ومرة منهن
مو أنت إطلعت وشصار بية
_________________
إبحبك مرة أأيس مرة مني
سهامك عيد عدي مرة مني
مرة ألزعل منك مرة مني
ومرة إثنينة نزعل علية
_________________
أحب نيران من حبك دفني
وأموت وأحيا لوجفك دفني
تريد آني آخذك منك دفني
إبدمي تدور شيلزمك بدية
_________________
عليك ألقيت حجة وألقيامة
وياما براسك أقرة وألقيامة تدري ألحشر شنهي وألقيامة
ألقيامة وألحشر زعلك علية
_________________
ألوجود إشفرقة كلي منعدمنة
وشمل منع ألتجول منع دمنة
تدري ليش إحنة منعدمنة
لإن موتة إنولدنة إعلة ألوطية
_________________
قضية أسمك على أسمك
ماشخطنة
إزدحام إحنة إعلة دربك
ماشي خطنة
إشتظن من كد حلاتك
ماشخطنة
أليشوفك ينشخط مية بالمية
_________________
عسل وبحلكي وكتي مرجعلكم
ومرجعكم لكلبي
ومرجعة إلكم
صرت آية بهواكم
ومرجعلكم
خذيتو منين فتوة وخنتو بية
_________________
أراوي إجروح كلبي
بيك أراوي
ألعشك كروة تعبانة
وبي كراوي
أجذب من أكلهم
بيك راوي
أنة ألعطشان وإنت من آل أمية
_________________
مدلل ماتهيد أنت وناهد
وتكظني حيل متهدني وناهد
علي إتهد وكومنلك وناهد
وأصير وياك حتى إنهد علية
_________________
مو خالي ألم روحي
بي شي ألمها
أبألمها إنشل إبوهة
وبي شل إمها
أصابيعي إنبترت
بيش ألمها
وبيش أكتب قفل هاي ألبوذية
_________________
إبعدت زميت عنك
شلزماني
كصرن حيل شلهن
شل زماني
بعد مالوح ألزمك
بشلزم آني
إذا حتى علي متلوح أدية
_________________
بونيني صدعيت ألجبل وشجيت
يمن طريت كلبي عليك وشجيت
إلك حن ودفعني وجيت شجيت
إجيتك لا كلب لا روح بية
_________________
أنة ألزايعني وكتي
ونتة زاعلك
منو من كلبي جرك
ونتزعلك
علي كل زعل هين
وإنتة زعلك
يزعلني بحيث أزعل علية
_________________
شتة فراك ألأحبهم
يمداني
وغدرهم كمت أحسة
يمي داني
حتى من أغم كصتي
يمداني
أحس إبكصتي تتبعد علية
_________________
صراير عشك روحي
وك صرتلك
ونفس وكت ألمنازع
وك صرتلك
طويل وأعلة منك
وإكصرتلك
حتى تلوح من تبوس أدية
_________________
لا فاتحلي باب ألحب ولاصاك
إنلاصت دهري لايصهة ولاصاك
حلو ماشفت أنة مثلك ولاصاك
ولا واحد شفت مثلي خطية
_________________
أتمنى تكون عجبتكم
اليوم جبت الكم مجموعة ابوذيات
للشاعر الكبير
:53:عبد الحسين الحلفي:53:
وأتمنى تعجبكم....:5:.....
*** *** ***
إبتليت إبحب حبيبي
بلوة هاية
ولوة هاية وأعينة
بلوة هاية
إنعمت هاي إعلة مودة
بل وهاية
ويكلي شبيك ماتبجي علية
_________________
إشفنة من وكتنة
شفتهمنة
وهمنة إكبال عينك
شفتة همنة
ذبحنة وفوك ذبحة
شوف تهمنة
يكلهم بالذبح تعبولي أدية
_________________
أحباب ألروح كلبو فرد كلبة
ووكتنة إبلون نص الليل كلبة
دفعني وإنكلبت شلون كلبة
وسحكني ومن عثر ظل يسب بية
_________________
يدنية وياي بعد وبعد
جدي
وعلي صيحي بعالي ألصوت
جدي
هجمتي بيت أبوي وبيت
جدي
وأنة إبلا بيت شتهدمين بية________________
كبل من أصل طيب فرعينة
هسة ألعكل طاحت فرعينة
ألوكت يخزر علية فر عينة
درت عيني وبقت عينة علية
_________________
ألعتب عالكتب هل دستور
عل سن
بوطنة زعلت ألضحكات
عل سن
إعلاسة وألشعب معلوس
علسن
وقفلتة وإنعلس قفل ألبوذية
_________________
ألضم خيط حبك وندف آني
وأون بشتة فراكك وندف آني
عدل وأصرخ وصيحن وندفاني
بلكت تصدف وتخطف علية
_________________
موش إحنة بحلاتك منتمرنة
دمرنة وضوك وشبع منتمرنة
نطشلك واهلية من تمرنة
ونحط جادر إذا مابيك جية
_________________
علية مخلبصات هواي ماحيل
ولا حيل ألبقة بفركاك ماحيل
تولتني ألشماتة حيل ماحيل
وأنة وياهم أصيحن حيل بية
_________________
باد ألحيل وأتعس بيدة هاية
وطلع ماكر حبيبي وبي دهاية
سالمني وشبكني بيدة هاية
وبيدة ألثانية يأشر علية
_________________
إشفافك عسل و حصتي
مرة منهن
وإكطعلي جلاي سهمك
مرة منهن
إشكم مرة لحكتك
ومرة منهن
مو أنت إطلعت وشصار بية
_________________
إبحبك مرة أأيس مرة مني
سهامك عيد عدي مرة مني
مرة ألزعل منك مرة مني
ومرة إثنينة نزعل علية
_________________
أحب نيران من حبك دفني
وأموت وأحيا لوجفك دفني
تريد آني آخذك منك دفني
إبدمي تدور شيلزمك بدية
_________________
عليك ألقيت حجة وألقيامة
وياما براسك أقرة وألقيامة تدري ألحشر شنهي وألقيامة
ألقيامة وألحشر زعلك علية
_________________
ألوجود إشفرقة كلي منعدمنة
وشمل منع ألتجول منع دمنة
تدري ليش إحنة منعدمنة
لإن موتة إنولدنة إعلة ألوطية
_________________
قضية أسمك على أسمك
ماشخطنة
إزدحام إحنة إعلة دربك
ماشي خطنة
إشتظن من كد حلاتك
ماشخطنة
أليشوفك ينشخط مية بالمية
_________________
عسل وبحلكي وكتي مرجعلكم
ومرجعكم لكلبي
ومرجعة إلكم
صرت آية بهواكم
ومرجعلكم
خذيتو منين فتوة وخنتو بية
_________________
أراوي إجروح كلبي
بيك أراوي
ألعشك كروة تعبانة
وبي كراوي
أجذب من أكلهم
بيك راوي
أنة ألعطشان وإنت من آل أمية
_________________
مدلل ماتهيد أنت وناهد
وتكظني حيل متهدني وناهد
علي إتهد وكومنلك وناهد
وأصير وياك حتى إنهد علية
_________________
مو خالي ألم روحي
بي شي ألمها
أبألمها إنشل إبوهة
وبي شل إمها
أصابيعي إنبترت
بيش ألمها
وبيش أكتب قفل هاي ألبوذية
_________________
إبعدت زميت عنك
شلزماني
كصرن حيل شلهن
شل زماني
بعد مالوح ألزمك
بشلزم آني
إذا حتى علي متلوح أدية
_________________
بونيني صدعيت ألجبل وشجيت
يمن طريت كلبي عليك وشجيت
إلك حن ودفعني وجيت شجيت
إجيتك لا كلب لا روح بية
_________________
أنة ألزايعني وكتي
ونتة زاعلك
منو من كلبي جرك
ونتزعلك
علي كل زعل هين
وإنتة زعلك
يزعلني بحيث أزعل علية
_________________
شتة فراك ألأحبهم
يمداني
وغدرهم كمت أحسة
يمي داني
حتى من أغم كصتي
يمداني
أحس إبكصتي تتبعد علية
_________________
صراير عشك روحي
وك صرتلك
ونفس وكت ألمنازع
وك صرتلك
طويل وأعلة منك
وإكصرتلك
حتى تلوح من تبوس أدية
_________________
لا فاتحلي باب ألحب ولاصاك
إنلاصت دهري لايصهة ولاصاك
حلو ماشفت أنة مثلك ولاصاك
ولا واحد شفت مثلي خطية
_________________
أتمنى تكون عجبتكم
