💣 الووو💣

[حكاية روح]

ألوو ..
مرات تتصل بشخص ويرد عليك
-الوو
من هاي الالو اللي گالها ممكن يوصلك احساس انه الدنيا ربيع والجو بارد والكهرباء والخدمات متوفرة والحياة سعيدة والوضع تمام وماكو اي اشكال وكأنه مو گال ألووو كانما شرحلك الحياة بتفاصيلها وانت اخذت طاقة ايجابية وفرحت وانت كلشي ماسمعت بس 3 حروف .. الووو فقط ..

ومراااات تتصل بواحد اول ميرد عليك الو ..
تحس مو ألو .. گانما عنده 3 فواتح والحياة كئيبة والوضع خربان واصلا مطلوب نص مليار وواگفيلة بالباب .. والطاقة السلبية من كلمة ألووو تجيك بكل قوتها ..
يا أخي انتبه لاسلوب ردك ترة الناس معليها بيك اذا ضايج او فرحان الناس تريدك طبيعي اذا ماكدرت تصير ايجابي ومتفائل ..
لكن من تصير سلبي الكل يتركك وبالاخير تبقى وحدك ومحد يهتم الك ولفرحك ولحزنك ..⁦
#كن_ايجابيا

مساحه متروكه لكم ...لنرى كيف تبدو (..الوو) بالنسبه لكم

اختكم حكاية روح

 

[مـــجيـّدالسيــــد]

انا الالو عندي ملتهبة وتسوي اكتئاب هههههه

عاشت ايدج خوش فكرة
تحياتي ومروري

 

[مـــجيـّدالسيــــد]

وهاي اغنية تدعم موضوعك وتسوي واهس
للاخرين للمشاركة .

 

[حكاية روح]

مساء الخير

ليس هروب من الواقع أن نتعلق دائماً بالأمل .. ليس عيب أن نؤمن بأن كل شيء سيصبح بخير يوماً ما .. فالأمل تصنعه الأرواح القوية .. فلا تكن ضعيفاً فيهزمك اليأس .. وكلما كنت قريباً من الله كلما بدت الحياة أجمل في عينيك .. فالإيمان والأمل والخيال الإيجابي أدوات لصنع الفرح !"

 

[محن وألم]

ولك الوووووو

يعني هسه طورت صار وياها ولك وخل نشوف الاوقات القادمه شراح يطلع

 

[طيف الامل]

يربي شلون كلام حلو بصميم
حبيبتي مثل ما كلتي المفروض الانسان يكون إيجابي
وفعلا واحد يتركه كلنا عدنا مشاكل وكلنا عدنه هموم مستحيل
واحد بهذا الوقت ماعده هموم مستحيل
بس مو معناته اني اذا ضايج من شي
ألي يخابرني اكون متنرفز أو اطلع حركتي بيه
طبعا عندي صديقه الله يحفظه إسراء فدوه الكلبه
والله من اول مااتصل عليه ودكول الو لازم وياه ضحكه
بحيث اني مجرد اسمع الو ارتاح نفسيا
واكو عكسه من كلمه الو اكرهه اتصال كله وياه

​

 

[حكاية روح]

الوووو

فِي يديك لِي وَطن صَغير ، و فِي كُلّ عرق مِن عُروقك البارِزَة . . لِي حكاية .
مشاهدة المرفق VID_20240424_145259_422.mp4

 

[madness man]

مساحة طيبة حكاية
لي عودة

 

[madness man]

كلمة ( الو )
نحتاج أن نسمعها أحيانا بصوت من رحل عنا
ننصت اليها وكأنهم هنا بقربنا

 

[الطائر الحر]

ألووووو

لا تتخلى ابداً عن حلمك

ظل طول عمرك نايم