اليوم أهدّك ياقلم ’روح براهاتك عل العشك
وتنوع بعين الصبا خطفات يم درب الزلك
اكتب حرف جَره القهر, جرة شليف ومحترك
واكتب غزل مال الحديثات اليعدلن بالطرك
وحده تكل للثانيه ياخيه هم ولفج حلف مانفترك؟
واكتب مثل ذيج ال اذا تسمع بطاري وليفه تضل تختنك
لاتستحي ذبهن بعد جرحك ضمد ماينفتك.
واتغزل بعشك الصبا يالحاطه بزندك علك
تذكر كبل من تخطف عليك شكلت
(كش جلدي ,كلبي ارتاب يرفس رفس كام.
من فلك طرها تكول مصبوبه من جام.)
اي كولهن لاتستحي سمعنه, موضاك الخلك
سمعنه مالتك كبل من سولفت
(بكثر دگات گلبي عَلَي..عمَّو
حملت هموم حتى العين.عمّو
عجب ياهي ال احبها اتصيح ..عَمو
ولچ ياعمو وانا النار بيه)
بقلمي
والله هسه كتبتها اتذكرت سويلفاتنا الاوليات
ضياء الصافي
