صراير تعب"" الليله من دون الليالي

[بـــراءة]

الليله من دون الليالي اتخيل تناشدني وينك
جن تگلي شماله بيك الشوگ غافي وما تجيني !
وانه اگلك بويه جاستني السنين وكل تعب ماخذني منك
چنت من ابرد بحزنك تحتويني
وتمسح ب چفك عله خدودي وتلمني
تگلي شوف شگد حزن متروس گلبي
شگد صراير تعب ملمومه ب جبيني
اغفه وتمرني الطيوف اگدار لچمه
ومثل كل مره افز والكاك يمي
تجيسني والخوف يكبر
والبچي الما بين مزنه و مزنه يكثر !
خاف اكلك روحي خشنه وأيدك المتعوبه تنغر !
والتعب وال اخ والشده وضمايرهه الجبيره
والايام الباهته السوده المتاهه
والاعثوگ العوسجت والماي الاخضر
والدرابين الغريبه الصايره ل ديرتنه معبر
كلشي لو موجود يزغر !
جانت الأيام سوده وشيبك ابيض !
جانت اهمومك ثگيله ولو يجيسك عوز تنهض
وانه ليليه عله القمصان غافي وراسي من الحيف ينفض ..
وبلصور ليليه احس عيوني من البچي تفحط !
الليله اريد الدنيه تاخذني لحد حضنك امگمط
بويه والناس النسوك اردود ردو هم نسونه وما جدم علباب ينخط



حسن وصفي

 

[Retaj Al-Hassan]

رد: صراير تعب"" الليله من دون الليالي

عاااشت الايادي المبدعه

 

[بـــراءة]

رد: صراير تعب"" الليله من دون الليالي

عاااشت الايادي المبدعه

عاشت ايامك عزيزتي

 

[قيصر الحب]

رد: صراير تعب"" الليله من دون الليالي

دائما متميز في الانتقاء
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

 

[جنون العاطفه]

رد: صراير تعب"" الليله من دون الليالي

عاش ذوقج حبي
ودي ووردي

 

[آهات حالمه]

رد: صراير تعب"" الليله من دون الليالي

بورك طرحك
شكرا ع المجهود الراقي

 

[غمزة]

رد: صراير تعب"" الليله من دون الليالي

اسطر بديعة
سلمت

 

[رمااد اانسان]

رد: صراير تعب"" الليله من دون الليالي

رؤؤؤؤؤؤؤؤؤؤؤعه يسلمووووووووووو

اختيار موفق يستحق الشكر والثناء

 

[رمااد اانسان]

رد: صراير تعب"" الليله من دون الليالي

رؤؤؤؤؤؤؤؤؤؤؤعه يسلمووووووووووو

اختيار موفق يستحق الشكر والثناء