لو طول عمري اكتب ماوصفك ولا اوصف حالنه بعدك خووي
شماله الماي ناكر للمحبه هواي
اعرفنك تحب النهر يا خويه
ركضت انت وحضنته وماصحت ياخوي
يا عمي .. ي يمه .. شبيك يا بويه
انا رايح شهيد بهالحبيب اليوم
احب الماي حيل وفدوه اله روحي
اليغرگ بي يتعب .. يختنگ .. ويصيح
لچن الجنان تطيب جروحي
يحزام الظهر رد لاخوك بساع
تره ظهري كسرته وحيل مابيه
امك من شفتهة تگلي هااا زفيت ..
اخوك وبالنجف ضل وحده ليليه
وابوك عيونه نشفن ماكو بيها دموع
واخيك ماسكت من ساعة العفته
ادري شماله مايك يا بعد هالروح
ماصيّح خطيه اهلك بچو سكته
مامش صوت بس دموع ع الخدين
من گد ما نصرخ تچوي هالفرگه
من اصيحن اخ مو بس وجع .. لا والله
اصيحن اخ چي وسط الگلب حرگه
تدري بهمي يمك انه كله انساه
عفتني انت و رحت خويه گطعت بيه
شلت جسمك بدي بس گلت لا موجود
للبصره من اروحن تلزم ايديه
لچن جيت والبيت اظلم بلياك
مامش وجهك انه لگيت بس قماش
مكتوب انتقل للجنه هذا الشاب
خذاه الماي صعبه من اديه ينحاش
يحمودي يخوي بحلمي اريد الگاك
مو صعبه عليك انت بوسط جنه
ادري بزفتك هسه شحلاته القاط ..
عليك وهسه بيدك باقيه الحنه
هنيالك الجنه يا بعد هالروح
تگعد بالعرس ويمك الحوريه
الف رحمه ع روحك هاي اخر شي
اذا ممكن يخوي تمرلي يوميه
شماله الماي ناكر للمحبه هواي
اعرفنك تحب النهر يا خويه
ركضت انت وحضنته وماصحت ياخوي
يا عمي .. ي يمه .. شبيك يا بويه
انا رايح شهيد بهالحبيب اليوم
احب الماي حيل وفدوه اله روحي
اليغرگ بي يتعب .. يختنگ .. ويصيح
لچن الجنان تطيب جروحي
يحزام الظهر رد لاخوك بساع
تره ظهري كسرته وحيل مابيه
امك من شفتهة تگلي هااا زفيت ..
اخوك وبالنجف ضل وحده ليليه
وابوك عيونه نشفن ماكو بيها دموع
واخيك ماسكت من ساعة العفته
ادري شماله مايك يا بعد هالروح
ماصيّح خطيه اهلك بچو سكته
مامش صوت بس دموع ع الخدين
من گد ما نصرخ تچوي هالفرگه
من اصيحن اخ مو بس وجع .. لا والله
اصيحن اخ چي وسط الگلب حرگه
تدري بهمي يمك انه كله انساه
عفتني انت و رحت خويه گطعت بيه
شلت جسمك بدي بس گلت لا موجود
للبصره من اروحن تلزم ايديه
لچن جيت والبيت اظلم بلياك
مامش وجهك انه لگيت بس قماش
مكتوب انتقل للجنه هذا الشاب
خذاه الماي صعبه من اديه ينحاش
يحمودي يخوي بحلمي اريد الگاك
مو صعبه عليك انت بوسط جنه
ادري بزفتك هسه شحلاته القاط ..
عليك وهسه بيدك باقيه الحنه
هنيالك الجنه يا بعد هالروح
تگعد بالعرس ويمك الحوريه
الف رحمه ع روحك هاي اخر شي
اذا ممكن يخوي تمرلي يوميه
