آني العشت ماتنسمع ونتي

[عطري وجودك]

آني العشت ماتنسمع ونتي
ولاينعرف عدي البچي من الضحچ
والعلى متوني وسجلو زلتي
يادنيا ابد ما سجلو زلتچ
*******

مو اول الناس الوگع بالغلط
ولاآخر الناس اللواهه الزمن
ماقاوم الضيم ويه سطرة انصمط
گالوا لوه ذراعه الوكت بالمحن
ما طول بساعات ملحه انگرط
واهروشه بأول موسم وذبلن
ماسامحوني و چملو سلتي
مانسوا كلشي شلون باچر ولچ
وانچانهم باچر قروا ورقتي
ياروحي غادي منين مشراد الچ
*******
گالتلي من هسه وبعد لاتزل
حاول تصلح واعدل شخربت
گلتلها ما لحج ودرب العدل
يحتاز همة وماني گلش ثبت
ياما عذلتچ مانفعني العذل
ياما حلفت ايمان كثرة وتبت
تاليهه لن العابرات المشن
اهون وانا الراضخ تحت سطوتچ
خاف من اصيحن غادي يابو الحسن
ينچرني وهناك وىه ربعي أنشبچ
********
ماصدج يعوف الموالي الصدگ
گالت نعم ويعاون الماصدگ
يتحاسب حساب اليضوج الخلگ
ما يننسه شما خطو على الورگ
بس بينك وبين النواصب فرگ
لاسدو الباب وعليك انغلگ
حكمك ايام شما بطن ينتهن
والناصبي بنار الله يصبح علچ
غادي الرسول الهادي والمؤتمن
پأمر الله بيده يفكك وتنطلگ
********
ياقريب الفرج. فرج عنا
يارحيم ارحمنا


أبو بيادر البحاثي

 

[sally]

تِسَلّمْ الأيَادِيْ
ولآحُرمِناْ مِنْ جَزيلِ عَطّائك

 

[قمرالفخامة]

شكرا على الطرح

 

[عطري وجودك]

شكرا للمرور البهي
ارق التحايا