آني خاويت الحزن خوة يتيم
خوة الطير اليغرد والحبس
اني خاويت الليالي الظلمة حيل
خوة الغرگان ويه اخر نفس
وصرت گطرة ماي من يوم المشيت
وگعت بتمـــــوز يم حلگ الشمس
تدري زفيت الملح لجروحي ثوب
وعزبت كل الشماتة اعله العرس
يلي عينك واعدتني بحب خيال
وعلمتني اعله العشگ اول درس
شو خلفت بوعدك وياي وجفيت
گلي شنهو الغير اليـــوم وامس
بعدك بظيم الليالي اني انتخيت وانتخلي
وليش من بيك انتخيت ومنتخيت وانت خلي
گتلك افتح باب گلبي الك وحدك وانت خلي
تالي بس جروح خليت ومشيت
شلون گلبك طاوعك تكتل نفس
